Sekretáriu Jerál Fretilin, Marí Alkatiri. Imajen António Gonçalves

DILI, 19 marsu 2020 (TATOLI)–Sekretáriu Jerál Fretilin, Marí Bin Amude Alkatiri hateten, sei la iha dalan ba eleisaun antesipada (EA) tanba agora nasaun Timor-Leste ho krize oin-oin liuliu moras Coronavirus.

“Sei laiha dalan ba eleisaun antesipada tanba agora ita ho krize oin-oin hanesan moras Coronavirus. Tanba ne’e, ha’u dehan la iha dalan ba eleisaun antesipada. Ha’u atu ko’alia ho imi (jornalista), ha’u hadook-an husi imi ona agora ba eleisaun oinsa mak ita bele halo kampañia partidu nian. La iha dalan para ba eleisaun antesipada,” dehan Sekretáriu Jerál Fretilin, Marí Bin Amude Alkatiri, ba jornalisata sira hafoin presta omenájen ikus ba saudozu Victor “Sogiono” da Costa iha Comite Central Fretilin (CCF), Comoro, Dili, kinta ne’e.

Tanba ne’e, nia dehan, tenke fó kondisaun ba Governu atu halo desiminasaun ka sensibilizasaun ba povu hodi hadook-an husi moras Coronavirus ne’e, hadook husi moras para ema seluk mós dook husi moras ne’e.

“Ita hadook-an husi moras no hadook moras husi ema seluk. Ida ne’e mak presiza ita atu halo lalika halai buka poder. Maibé tempu agora salva povu husi moras ne’ebé mak fasil hada’ek ba ema,” Mari Alkatiri hateten.

Aleinde ida ne’e, nia dehan Parlamentu, Prezidente no Governu buka malu hodi ko’alia para iha orsamentu espesiál ba tempu krize ida ne’e.

“Solusaun governu tenke funsiona no hakotu impase ne’e maibé solusaun importante liu mak oinsa ita atu prepra-an atu hasoru moras coronavirus,” nia haktuir.

Notísia Relevante: FRETILIN fó Kompeténsia ba Alkatiri Buka Dalan Hakotu Impase Polítika

Jornalista : Osória Marques

Editór      : Cancio Ximenes

HAKEREK NO HATÁN

Please enter your comment!
Please enter your name here