Primeiru-Ministru, Taur Matan Ruak, prezide enkontru Konsellu Ministru iha Palásiu Governu, Kuarta, (03/07/2019). Imajen Egas Cristovão

DILI, 18 marsu 2020 (TATOLI)–Ministra Edukasaun Juventude no Desportu (MEJD), Dulce de Jesus Soares hateten, reuniaun Konsellu Ministru, kuarta ne’e, la konsege aprova proposta orsamentu hosi fundu kontijénsia ho montante millaun $1.6 ne’ebé maka Ministériu Edukasuan aprenzenta hodi fó apoia ba eskola 11 ne’ebé foin lalais  hetan estragu hosi inundasaun iha Dili.

KM la konsege aprova tanba proposta orsamentu ne’e tenki hetan apresiasaun hosi Konsellu Administrasaun Fundu Infraestrutura (CAFI-sigla Portugés).

Notísia Relevante :MEJD Aprezenta Proposta Orsamentu Apoiu Eskola Afetadu

“Orsamentu fundu kontijénsia $1.6 miliaun ne’e seidauk iha desizaun tanba CAFI  sei haree hela molok foti desizaun. Maibe, ami fiar katak desizaun ne’e sei la kleur parese tarde liu aban iha ona informasaun husi CAFI,” dehan Ministra Dulce ba  TATOLI,  iha Palásiu Governu.

Notísia Relevante :Inundasaun Estraga Eskola Tolu iha Dili

Proposta  MEJD nian ne’e propoin hosi ekipa jestaun dezastre hanesan Ministériu Administrasaun Estatál,  no seluk tan ho item rua, item dahuluk maka apoiu konstrusaun infraestrutura no seluk tan maka apoia materiál eskola nian.

Notísia Relevante :Prosesu Aprendizajen iha Eskola 5 Maiu Becora Paradu

“Kona-ba infrastrutura CAFI  mak sei haree depois mak sei pasa fali informasaun, agora kona- ba sasán sira ne’ebé mak estraga responsalblidade MEJD nian atu haree filafali hodi nune’e bele kanaliza liuhosi fundu kontijénsia,”tenik Governante.

Bainhira orsamentu ne’e hetan ona aprovasaun maka governu sei responde situasaun emerjénsia iha eskola Sekundária  5 de Maio Becora, Dili, Eskola Ensinu Báziku Filiál Akanunu Hera, Eskola Portugeza Dili no eskola sira seluk tan.

Jornalista : Tomé Amado

Editór        : Agapito dos Santos

HAKEREK NO HATÁN

Please enter your comment!
Please enter your name here