Primeiru-Ministru, Taur Matan Ruak. Imajen Tatoli/ Egas Cristovão

DILI, 19 marsu 2020 (TATOLI)–Primeiru-Ministru, Taur Matan Ruak hateten, Governu planeia ona atu halo teste masal ba iha fatin públiku sira hanesan halo iha Palásiu Prezidente, iha Palásiu Governu, iha eskola sira, iha loja sira, tanba durante ne’e halo de’it iha fronteira sira no aeroportu. 

“Bá-oin ne’e ita tenke halo ona teste masal. Ita espera katak, ita sei hetan ekipamentu atu halo teste masal, tanba la hatene keta halo ita-boot sira (jornalista sira) iha ona karik, ha’u la hatene. Tanba ita-nia ema sira mai husi Korreia, balun ba loos de’it nia uma. Ita deskonfia katak dalaruma Corona iha-ne’e ona. La’ós ita halo iha fronteira de’it,” dehan Primeiru-Ministru, Taur Matan Ruak, ba jornalista sira hafoin hala’o enkontru semanál ho Prezidente Repúblika (PR), Francisco Guterres “Lú Olo”, iha Palásiu Prezidente Nicolau Lobato, Bairru Pité, Dili, kinta ne’e.

Xefe Governu konsidera teste masal ne’e hanesan sentru restreiu ida atubele sukat katak ema ne’e iha Corona ka la’e, tanba durante ne’e halo de’it iha aeroportu no fronteira sira, seidauk halo teste masal.

“Katak, teste ne’e ita sei halo iha Palásiu Prezidente, halo iha Palásiu Governu, halo iha eskola sira, halo iha loja sira, keta moras ne’e iha tiha ona karik. Ita tenke preparadu psikolojikamente,” Taur fó hanoin.

Antes ne’e, Ministra Saúde interina, Élia A.A dos Reis Amaral hateten, ekipa interministeriál kontinua serbisu makaas ba prevensaun Coronavirus iha rai-laran no fronteira sira.

Notísia Relevante: Prezidente Repúblika Kontinua Apoia Ekipa Prevensaun Coronavirus

Jornalista : Cipriano Colo

Editór       : Cancio Ximenes

1 KOMENTÁRIU

HAKEREK NO HATÁN

Please enter your comment!
Please enter your name here