Ministerio Edukasaun, Juventude no Desportu Distribuisaun Material Covid-19 ba Estudante Pre-Eskolar 12 Municipio Inklui Rejiaun Administrativa Espesiál Oé-Cusse Ambeno (RAEOA) no Zona Espesiál Ekonomia Sosiál Merkadu (ZEESM). Imajen/Egas Cristovão

DILI, 19 marsu 2020 (TATOLI)-Governu liuhusi Minstériu Edukasaun Juventude Desportu hahu distribui produtu hodi prevene COVID-19 ba estudante hosi  Pre-Eskolár hamutuk 528 iha Teritóriu Timor-Leste liu-liu iha Munisípiu Dili.

Sasan hirak ne’e apoiu hosi Governu Nova Zelándia ba Ministériu Edukasaun Juventude no Desportu (MEJD).

Tuir relatóriu hosi Embaixada Nova Zelándia iha Dili katak sira  sosa produtu ne’e ho osan hamutuk rihun $ 32.

Ministra Edukasaun Juventude no Desportu, Dulce de Jesus Soares, hateten ekipamentu hirak ne’e distribui ba pre-eskolár públiku no privadu hodi uza ba prevensaun COVID-19.

“Líqidu sira ne’e inklui uza ba hamoos haris fatin, hamoos sala aula, balde ki’ik no boot, torneira, sabuneti, no toailla,”informa, Dulce de Jesus Soares, kuarta (18/03/2020).

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here