Sekretária Estadu Igualdade no Inklusaun, Maria José da Fonseca Monteiro de Jesus. Imajen/ António Goncalves

DILI, 17 marsu 2020 (TATOLI)–Sekretária Estadu Igualdade no Inkluzaun (SEII), Maria José da Fonseca Monteiro de Jesus hateten, polítika Governu dezde primeiru Governu to’o agora la muda programa.

Tanba, nia hatutan, liuhosi programa oin-oin ne’ebé Governu planeia presiza serbisu hamutuk ho instituisaun relevante hotu para oinsá mak atu promove igualdade iha Timor-Leste.

“Ita halo promosaun igualdade inkluzaun ida ne’ebé di’ak maibé presiza serbisu hamutuk ho instituisaun relevante hotu  no mós parseiru dezenvolvimentu, sosiedade sivíl no sira balu ne’ebé hola parte iha sumbriña Rede Feto ninian ne’ebé mak hakarak serbisu hodi promove igualidade no inkluzaun iha Timor-Leste,” dehan  Sekretária Estadu Igualdade no Inkluzaun (SEII), Maria José da Fonseca Monteiro de Jesus, ba Ajénsia TATOLI iha nia knaar fatin, Obrigado Barak, Dili.

Nia dehan, SEII nia prorama prisipál ne’ebé atu hala’o mak abordájen integradu jéneru atu asegura katak asuntu jéneru no inkluzaun iha dalan oin-oin atu oinsá ema hatene no komprende barak liután.

Aleinde ne’e, nia esplika, atu asegura no esforsu liuhosi knaar ema ida-idak ninian ne’ebé ita promove igualidade no TL hakarak atinje sosiedade ida ne’ebé hanesan inkluzivu no justu.

Nia dehan Abordájen integradu la serbisu de’it ba nsional maibé to’o iha munisípiu sira liuhosi grupu traballu jéneru ministeriál, munisipál no iha instituisaun hotu-hotu ne’ebé lidera husi Administradór Munisípiu hotu.

Nia hateten, aleinde abordájen integradu ita mós hatene katak feto, labarik feto no mane no ema ho seksuál oin-oin no mós komponente oin-oin sira ne’ebé durante ne’e sai vítima ba violénsia.

Nia hatete, programa prisipál daruak mak halo prevensaun no kombate violénsia bazeia ba jéneru. Bainhira temi kona-ba violénsia bazeia ba jéneru katak haree hotu ba marjinalizadu normalmente feto.

Programa prisipál seluk mak hakbiit feto iha ekonómia no hasa’e partisipasaun feto iha vida polítika no nível foti desizaun iha kargu.

“Hakbiit ekonómia feto iha, tanba ita iha osan 2008 to’o mai agora, ita iha fundu transferénsia públiku ne’ebé ita uza hodi fó apoiu finanseira ba grupu feto sira iha munisípiu 12 inklui RAEOA no mós portadora defisiente no ba LJTBI,” nia relata.

Liu husi apoiu ida ne’e, nia dehan, atu fasilita sira hodi organiza an iha grupu nune’e bele iha rendimentu ba sira atu nune’e bele hamenus dezempregu.

“Tinan uluk, SEII ajuda grupu balu hanesan hamutuk 86 iha teritóriu TL. Hatudu katak Ema lubun ona mak tama ba grupu entaun signifika ita mós hamenus ona dezempregu no ki’ak,” nia informa.

Nofísia Relevante: SEII Uza Mídia hodi Promove Igualdade Jéneru

Jornalista : Osória Marques

Editór      : Cancio Ximenes

HAKEREK NO HATÁN

Please enter your comment!
Please enter your name here