Ofisiais husi ministeriu saude teste hela temperatura pasajeirus sira.Imajen/Antonio Goncalves

DILI,17 Marsu 2020 (TATOLI)-Mediku Jerál Klínika Saúde iha Aeroportu Internasionál Nicolau Lobato Dili, João Cristo,  hateten ekipa vijilánsia ne’ebé destakadu iha aeroportu Dili, dadaun ne’e halo kontrolu makaas ba movimentu ema estranjeiru liliu hosi  Xina, Korea, Itália no Índia hodi prevene infesaun coronavirus iha Timor-Leste.

”Iha ne’ebá ami iha órariu ba pasajeiru sira maihosi nasaun ne’ebé de’it no ami tenki halo pasa revista ba sira. Maibé iha ne’ebá ami halo scraning ka kontrolu liuba nasaun haat hanesan Xina, Korea, Itália, no Índia tanba nasaun haat ne’e nasaun proibidu hodi halo viajén mai ita-nia rain,” katak,  João Cristo, ba TATOLI, iha Sentru Saúde Bairo Formosa foinlalais.

Nia dehan sira iha ekipamentu termoscan tolu, no Digital Scraning Test hanesan TV kompleta ho ninia tripot, no lensa Kamera ho ninia funsaun maka atu koko temperatura ema nia isin ba prevensaun infesaun pandemia ne’e Timor-Leste.

”Ekipamentus ida scraning ne’e foin dadauk mak uza tanba apoiu husi Organizasaun Mundiál Saúde (OMS), ne’ebé koopera di’ak ho Ministériu Saúde ho apoiu mós husi Xina, hanesan maskra, roupa protesaun, luvás, plástiku no mós alkohol fase liman no sira apoiu mós oklu atu evita matan no mós sapeu,” nia hatutan.

Funsaun thermoscan ne’e atu deteta vizitante sira ho temperatura isin manas liu 38 celciu, dada iis boot no mear ne’ebé deskonfia suspeitu ba COVID-19.

Ekipa vijilansia ne’ebé destaka iha Aeroportu  Dili hamutuk ema na’in  hitu kompostu husi médiku Enfermeiru no Saúde Publika .

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here