Diretora Jerál Prestasaun Saúde, Odete Viegas da Silva. Imajen/Felicidade Ximenes

DILI, 18 marsu 2020 (TATOLI)-Ministériu Saúde oras ne’e gasta ona orsamentu hamutuk rihun 498 hodi prepara fatin izolamentu, kuarentena ne’ebé kompleta ho ekipamentu ba prevensaun coronavirus ka COVID-19 iha Timor-Leste.

Diretóra Jerál Prestasaun Saúde, Odete Viegas da Silva hateten, Konsellu Ministru antes ne’e, aprova ona orsamentu millaun $ 1.5 hodi halo prevensaun ba coronavirus, hosi totál osan ne’e, MS hetan de’it millaun $ 1 no rihun $ 500 aloka ba Ministériu Negósiu Estranjeiru no Kooperasaun, MNEK.

Notísia Relevante :KM Aprova Osan $1.5 Millaun Atu Prevene Virus Corona

“No proposta ne’ebé mak Ministériu Saúde agora dau-daun ne’e ezekuta  hahú iha faze inísiu ho orsamnentu rihun 498 ,’’dehan Odete Viegas da Silva ba TATOLI, foinlalais iha Parlamentu Nasional, Caicoli.

Ho orsamentu rihun 498 ne’e konsege ezekuta ba prepara fatin izolamentu kompleta ho ekipamentu hanesan kama ba pasiente, kuarentena no seluk tan.

“Proposta tuir mai mak 600 mil entaun orsamentu ne’ebé inísiu ami utiliza mak iha fatin Formoza ho Vera Cruz entaun depois mosu tan iha Tibar situasaun ida ne’e bolu ita hotu nia atensaun oinsá bele reabilita fatin inklui mós ekipamentu ba médiku hanesan kama no seluk tan,”tenik Odete.

Maibé MS iha ona planu sei submete tan proposta orsamentu adisionál $ 1.7 ba Konsellu Ministru  atu konsidera, tanba persiza atu sosa tan ekipamentu iha sala izolamentu no kuarentena inklui kontrata ba profisionál Saúde sira ne’ebé maka atu servisu hodi fó atendementu ba pasiente COVID-19.

Jornalista : Feliicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here