Kontra-atake entre jogadór Lalenok United FC no Assalam FC iha Estádiu Munisipál Dili, ohin. Imajen Mídia LFA

DILI, 18 marsu 2020 (TATOLI)-Diretór Étika no Disiplina Liga Futeból Amadora (LFA), Octaviano da Conceição, informa LFA sei loke janela tranferénsia ba jogadór sira iha loron 01 fulan-Abríl 2020.

“Janela transferénsia sei loke iha loron 01 abríl tuir karta ne’ebé LFA hatama ba Federasaun Futeból Timor-Leste (FFTL) no ita mós simu ona karta hosi Asian Football Confederation (AFC) no Federation International Fooball Asosiation (FIFA) kona-ba prosesu transferénsia jogadór,”Informa,  Octaviano liuhosi konferénsia imprensa iha edifisiu LFA Bairu Formosa tersa (17/03/2020).

Klube 20 maka dadaun ne’e hamahan aan iha LFA nia okos, tanba ne’e oportunidade ba sira  eskoilla no halo tranferénsia ba jogadór sira antes kompetisaun LFA realiza iha fulan-maiu.

Hosi klube 20 ne’ebé maka hamahan aan iha LFA primeira divizaun hamutuk ualu,   no segunda divizaun 12.

Primeira divizaun mak hanesan, Lalenok United FC, Boavista FC Timor, AS Ponta Leste, AD SLB Laulara, Karketu Dili FC, Aitana FC, DIT FC no Assalam FC. Enkuantu, segunda divizaun mak hanesan, Atlético Ultramar, Académica FC, Fitun Estudante Lorosa’e, Kablaki FC, Santa Cruz FC, Zebra FC, AS Marca, Emanuel FC, Nagardjo FC, Lika-Lika Lemorai, Porto Taibessi FC no Sporting Clubo de Timor.

Jornalista : Hortencio Sanchez

Editór       : Agapito dos Santos

HAKEREK NO HATÁN

Please enter your comment!
Please enter your name here