Jogu CPLP. Imajen/Espesiál

DILI, 18 marsu 2020 (TATOLI)-Ministra Edukasaun Juventude no Desportu (MEJD), Dulce de Jesus hateten dadaun ne’e prepara ona proposta hodi haruka ba Sekretariadu Komunidade Ko’alia Lian Portugués (CPLP-sigla portugués) atu adia jogu desportiva CPLP iha Timor-Leste.

Tuir planu jogu ne’e sei realiza iha loron 12 fulan-jullu 2020 ho modalidade ualu hanesan football, Volley Praia, Taekwondo, Xadres, Karate, basket no tenis kampu.

Notísia Relevante:KM Autoriza Utilizasaun Orsamentu $511.250 ba Preparasaun Jogu CPLP

Dulce dehan, governu tenki adia atividade desportu nasaun CPLP ne’e, relasiona ho problema Coronavirus tanba hosi jogu ne’e rasik sei lori atleta hamutuk ema na’in 500-resin mai Timor-Leste.

Notísia Relevante:Jogu CPLP, TL Hatun Modalidade Ualu

“Ha’u propoin ona atu halo adiamentu ida maibé Ministériu Negósiu Estranjeiru no Kooperasaun (MNEK) mós tenke haruka karta ida ba Sekretariadu CPLP hafoin halo adiamentu ka oinsá tanba jogu ne’e sei lori ema hamutuk 500-resin mak mai ita-nia rai, ho tan moras ida COVID-19 ne’e ita presiza haree didi’ak,”katak Ministra Dulce de Jesus Soares ba Jornalista sira iha Palasiu Governu Dili, kuarta (18/03/2020).

Notísia Relevante:FRETILIN Sujere Adia Jogu CPLP

Maske Timor-Leste ninia pozisaun atu adia jogu ne’e, maibé Sekretariadu CPLP ho nasaun membru sira maka sei deside.

Notísia Relevante: Atleta 500-resin sei Partisipa Jogu CPLP iha Timor-Leste

Entretantu, nasaun membru CPLP hamutuk 8 kompostu hosi Portugal, Brazil, São Tome e Principe, Cabo Verde, Ángola, Moçambique, Guiñe-Bisau no Timor-Leste.

Notísia Relevante:TL Preparadu Sai “Uma Na’in” ba Jogu CPLP

Jornalista : Hortencio Sanchez

Editór     :Agapito dos Santos

HAKEREK NO HATÁN

Please enter your comment!
Please enter your name here