Ministra Edukasaun, Juventude no Desportu Dulce de Jesus Soares .Imajen/TATOLI

DILI, 18 marsu 2020 (TATOLI)-Ministra Edukasaun Juventude no Desportu (MEJD) Dulce de Jesus Soares promete ona ba eskola afetadu inundasaun hamutuk 11, atu devolve fali sira ninia dokumentu foun hafoin lakon durante inundasaun.

Desizaun Governu nian ne’e hodi fó solusaun ba estudante no eskola 11 tanba sira nia dokumentu lakon ka hetan estragus ona durante inundasaun iha sesta (13/03/2020).

Notísia Relevante Inundasaun Estraga Eskola Tolu iha Dili

“Ita husu ona ba eskola sira ne’ebé mak afetadu ba dezastre naturál atu lalais hatama dadus ba Ministériu Edukasaun atu nune’e bele hasai fali dokumentu foun ba sira,” dehan Dulce de Jesus Soares ba jornalista sira iha Palasiu Governu, kuarta (18/03/2020).

Notísia Relevante Prosesu Aprendizajen iha Eskola 5 Maiu Becora Paradu

“Ita iha meiu atu kompleta fila-fali dokumentu sira ne’e. tan ne’e ita husu ba parte eskola sira ne’ebé mak afetadu tenki hatama dadus konkreta atu nune’e Ministériu bele devolve fali mós dala ida de’it,”tenik tan.

Notísia Relevante MEJD Aprezenta Proposta Orsamentu Apoiu Eskola Afetadu

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here