Ministru Negósiu Estranjeiru no Kooperasaun, Dionísio da Costa Babo Soares. Imajen Tatoli/António Gonçalves

DILI, 18 marsu 2020 (TATOLI)–Governu liuhosi Ministériu Negósiu Estranjeiru no Kooperasaun (MNEK) Dionísio Soares Babo, apela ba estudante timoroan iha rai-li’ur atu prevene-an hosi infesaun Coronavirus ka COVID-19.

“Dala ida tan lori Estadu Timor-Leste nia naran husu nafatin ba ita-nia estudante sira iha li’ur atu kuidadu an hanesan mós ho nasaun sira seluk, se sira ne’ebé hakarak fila bele fila ona,” dehan Dionísio ba jornalista iha Palásiu Governu, Dili, kuarta ne’e.

Notísia Relevante :MNEK Husu Timoroan iha Estranjeiru Prevene Aan hosi COVID-19

Babo dehan númeru pasiente afetadu Coronavirus kontinua aumenta no barak maka mate ona tanba ne’e estudante no timoroan ne’ebé sente seguru atu fila ona mai Timor-Leste.

“Moras ne’e moras globál ita atu taka iha fatin ida mós nia sei tama hosi fatin ida, entaun ita mak kuidadu an de’it, ida-ne’e mak Governu nia pozisaun,” nia tenik tan.

Nia husu estudante sira atu izola-an iha fatin seguru no hamenus movimentu hodi prevene an hosi pandemia globál ne’e.

Jornalista : Hortencio Sanchez

Editór     : Agapito dos Santos

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here