Artista Maria Vitoria

 DILI, 18 marsu 2020 (TATOLI)-Matebian Cristina da Costa nu’udar inan ba Artista Maria Vitória, iha tersa (17/03/2020) hakotu iis iha Ospitál Nasionál Guido Valadares (HNGV-sigla portugés) tanba sofre moras kankru susun.

Vensedór the Voice Portugal ne’e konta tuir katak fofoun ninia inan sofre moras ne’e iha tinan 2015 no iha tinan 2016 tenke transfere ba ospitál Bali Indonézia hodi halo tratamentu durante tinan rua no konsege rekupera.

“Iha momentu ne’ebá sira la fó hatene ha’u tanba ha’u tuir hela kompetisaun Dangdut akadémia iha Jakarta,” informa Artista Maria Vitoria, ba Agência TATOLI iha ninia residensia Ai-tarak Laran ho tanis.

Notísia Relevante :Marvi: “Ha´u-nia Tempu Labarik La Fasil”

“Banhira ita halo kemoterapia signifika fuuk monu no isin tun maibé banhira ha’u-nia mama fila mai fuuk boot no mahar isin boot. Entaun husi ida ne’e kada kinta ha’u-nia mama ba cek up iha Ospitál Nasionál Guido Valadares,”esplika Marví.

Notísia Relevante :Marvi Sei Aprezenta Kultura Timor iha Xina

Tuir nia katak depois tinan rua moras ne’e kona fila-fali hodi da’et ba isin tomak tanba ne’e maka la konsege salva matebian nia vida.

“Ha’u mós trata dokumentu hodi lori fali ha’u-nia mama ba fali Bali maibé doutór sira hateten dalaruma mama labele ba fali Bali tanba moras ne’e ita la bele kura duni ona,”tenik tan.

Notísia Relevante :UNICEF Nomea Marvi Sai Promotora Foinsa’e

Artista Timoroan ne’e konfesa katak maski nia halo esforsu oioin atu bele salva ninia inan maibé Maromak nia planu oin seluk tanba ne’e tenki simu realidade ne’e.

iha kuarta (18/03/2020) Família sira sei haloot mate-isin Cristina da Costa, iha semitériu Cacaulidun ho misa requem.

“Agora daudaun familia matebian lori matebian nia-isin ba Cacaulidun hodi halo misa requiem no haloot ikus iha Cacaulidun,” informa Maria Vitória.

Notísia Relevante :Marvi Halo Advokasia Ba Labarik Liuhusi Múzika

Entretantu, matebian, Cristina da Costa moris iha Soibada, Munisípiu Manatuto iha loron  28 fulan outobru 1962, husik hela mundu ho idade 56.

Notísia Relevante :Marvi Hetan Kontratu Hosi Portugal

Matebian husik hela ninia kaben António Borges ho tinan 55 hosi Suku Rotutu Postu Administrativu Manufahi Munisípiu Manufahi ho oan na’in neen, kompostu hosi mane haat no feto rua.

Jornalista :Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here