Fasilidade-sira iha Laboratóriu Nasionál Saúde. Imajen Tatoli/Nélia Fernandes.

DILI, 17 marsu 2020 (TATOLI)Ministériu Saúde dadaun ne’e iha ona ekipamentu hanesan laboratóriu atu halo teste ba suspeitu ho kazu afetadu infesaun coronavirus disease ka (COVID-19).

Diretóra Jerál Prestasaun Saúde hosi Ministériu Saúde, Odete Viegas da Silva, hateten ekipamentu laboratóriu ne’e hetan apoiu hosi Organizasaun Mundiál Saúde.

Notísia Relevante :Sidadaun Itália Negativu ba Coronavirus

Tanba ne’e maka Ministériu Saúde hamutuk ho Organizasaun Mundiál Saúde sei la haruka tan amostra hosi suspeitu COVID-19 hodi ba halo teste iha Ospitál Darwin Austrália iha futuru.

Notísia Relevante :Sidadaun Xile Ida Negativu ba COVID-19

“Semana ida ne’e nia laran mak iha kazu suspeitu ba COVID-19,  Ministériu Saúde sei halo testu iha Laboratóriu Nasionál tanba iha ekipamentu kompletu ne’ebé apoiu husi doadór sira,”dehan, Odete Viegas da Silva, iha uma-fukun Parlamentu Nasionál, segunda (16/03/2020).

Notísia Relevante :Membru F-FDTL Na’in Rua La Identifikadu Sintoma Virus Corona

Antes ne’e, Governu estabelese ona ekipa task force kompostu hosi liña Ministériu atu ezekuta idak-idak ninia papel atu servisu hamutuk ho Ministériu Saúde hodi halo prevensaun makaas ba epidemia mundiál hanaran coronavirus.

Alende ne’e, governu prepara ona fatin kuarentena no fatin izolamentu ba pasiente Coronavirus iha Suku Tibar, Postu Administrativu Bazartete, Munisípiu Liquiça inklui iha Munisípiu Dili hanesan Sentru Saúde Bairo Formosa no Sentru Saúde Vera Cruz.

Notísia Relevante :Virus Corona Afeta Ba Sistema Respiratóriu

“Tanba ne’e mak ekipa tékniku sira agora daudaun haree hela servisu  sira ne’e espera katak tempu badak ita utiliza ona fatin ne’e ho apropriadu,’’tenik Diretóra Jerál ne’e.

Atu garante seguransa ba fatin hirak ne’e, nia husu ba Autoridade seguransa hanesan FALINTIL-Forsa Defesa Timor Leste (F-FDTL) ho Polisia Nasionál Timor Leste (PNTL)atu destaka iha fatin hirak ne’e hodi fó seguransa.

Fatin Kuarentena no izolamentu ne’e prepara hosi Ministériu Saúde  hamutuk ho Cruz Vermella Timor Leste (CVTL), Sekretáriu Estadu  Protesaun sivíl no Ministériu relevante seluk tan.

Coronavirus fasíl liu atu da’et liuhosi kontaktu ema ho ema liuhosi ka’er liman, fani no seluk tan tanba ne’e presiza prevene aan hosi ema ne’ebé deskonfia ho sintoma sira hanesan ne’e. 

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here