Ministru Negósiu Estranjeiru no Kooperasaun, Dionísio da Costa Babo Soares. Imajen Tatoli/Egas Cristóvão

DILI, 16 marsu 2020 (TATOLI)-Ministru Negósiu Estranjeiru no Kooperasaun (MNEK), Dionísio Soares Babo husu ba Timoroan iha rai-liur atu evita halo movimentu barak hodi  prevene aan hosi infesaun coronavirus ka COVID-19.

Ministru hato’o apela ne’e liliu ba sidadaun sira iha Europeia, Korea Súl, Xina no fatin seluk tan tanba númeru pasiente ho afetadu COVID-19 kada loron aumenta maka’as.

“Ita hanoin iha rai-liur sistema medíku di’ak liu ita-nia. maibé maluk Timoroan sira iha liur tenke koidadu aan di’ak liu mak lalika la’o tun la’o sae hela metin iha fatin buat ruma tenke proteze aan hakbesik aan ba ospitál atu hetan tratamentu ne’ebé di’ak,” dehan MNEK, Dionísio Soares Babo ba Jornalista sira iha Palasiu Governu Dili, segunda (16/03/2020).

Maske nune’e, MNEK kontinua akompaña sidadaun sira ne’eb’e dadaun ne’e hela  iha rai-liur relasiona ho prevensaun Coronavirus.

Jornalista  : Hortencio Sanchez

Editór        : Agapito dos Santos

HAKEREK NO HATÁN

Please enter your comment!
Please enter your name here