Edifisiu Tribunál Distritál Dili. Imajen/TATOLI

DILI, 16 marsu 2020 (TATOLI) – Liuhosi audiénsia julgamentu, ohin, iha Tribunál Distritál Dili (TDD),   juis Ivan Suritay aplika medida koasaun aprezentasaun periódika ba arguidu BDS ne’ebé komete krime violasaun seksuál (VS) hasoru lezada A.

Rona-tiha medida koasaun ne’e, advogadu Henrique Maris ne’ebé fó asisténsia legál ba arguidu hateten tribunál aplika medida koasaun ne’e tanba haree ba sirkunstánsia faktu ne’ebé mak iha ladún forte.

Kazu violasaun seksuál ne’e akontese iha 2019 liu-ba iha Postu Administrativu Maubessi, Munisípiu Ainaru.

“Atu asegura arguidu nia kolaborasaun ba faze investigasaun tuir mai, nune’e tribunál intende katak medida koasaun ne’e adekuadu ba arguidu mak aprezentasaun periódika kada semana iha estasaun polísia ne’ebé besik,” hateten Henrique Maris.

Iha audiénsia julgamentu ne’e, Prokuradór António Tavares, reprezenta Ministériu Públiku.

Jornalista : Nelson de Sousa

Editór       : Francisco Simões

HAKEREK NO HATÁN

Please enter your comment!
Please enter your name here