DILI, 16 marsu 2020 (TATOLI)-Jornalista Timoroan tenke iha koñesementu kle’an iha área diplomasia atu nune’e bele tulun sira hodi  fó sai informasaun kona-ba relasaun diplomasia entre Timor-Leste ho nasaun seluk iha mundu ho loloos.

Eís Embaixadór Timor-Leste ba Reinu Unidu,  Joaquin da Fonseca, hato’o kestaun ne’e bainhira sai oradór iha semináriu ida ne’ebé organiza hosi Asosiasaun Jornalista Timor-Leste (AJTL) iha salaun Konsellu Imprensa (CI-sigla portugés) sabadu (14/03/2020).

“Importante tebes ba Jornalista sira atu halo luan liután, sira-nia koñesimentu liliu iha área diplomasia nian atu povu iha ita-nia rai bele intende di’ak liután kona-ba diplomasia  ita-nian ba halo iha rai seluk no ema rai seluk nian mai halo iha ita-nia rai,”dehan, atuál Sekretáriu Jerál RENETIL.

Atu governu ho jornalista sira intende malu hodi fó sai informasaun ba públiku ho di’ak, nia rekomenda ba jornalista atu akompaña didi’ak polítika no programa governu nian ne’ebé iha relasaun ho kooperasaun bilaterál.

“Ida ne’e buat ida ne’ebé presiza sensibiliza tanba parte rua ne’e hotu iha interese atu hato’o informasaun, diplomata sira hato’o informasaun ba nia bo’ot sira hodi hola desizaun, diplomata sira mós hato’o informasaun ba públiku hodi entende asuntu sira iha rai laran no liúr,” nia dehan.

Joaquin fahe ninia esperénsia katak Timoroan ne’ebé hakarak sai diplomata tenke iha koñesementu iha área oioin hodi apoiu ninia servisu diplomasia sira.

Jornalista : Hortencio Sanchez

Editór       : Agapito dos Santos

HAKEREK NO HATÁN

Please enter your comment!
Please enter your name here