Traballador sira hamoos hela tahu iha areadores no baleta iha Palacio Prezidente nia oin, hafoin udan horiseik halo mota maloa intupidu hodi bee no tahu tama hotu iha Palacio Prezidente nian.Imajen/Antonio Goncalves

DILI,15 marsu 2020 (TATOLI)-Udan boot ne’ebé akontese iha sesta (13/02/2020), hamosu inundasaun hodi estraga ekipamentu hanesan Air Conditioner ka AC hamutuk ualu iha Sala Out Patient Departement (OPD) Sentru Saúde Vera Cruz, Munisípiu Dili.

“Inundasaun ne’e ba fatin hotu hotu maibé iha Sentru Saúde Vera Cruz fatin OPD mak hetan estragus husi inundasaun bee tama uma laran maibé fatin ba konsulta, fatin matenridade sira ne’e la iha,”informa Responsavel Lojístiku Farmasia Vera Cruz, Lucindo Marcos Martins Novo, ba Agência TATOLI, iha ninia servisu fatin, sabadu (14/03/2020).

Inundasaun bee tama iha sala OPD kuaze metru ida tanba ne’e maka pesoál saúde sira la konsege salva fasilidade hirak ne’e hodi tau iha fatin seguru.

“Fatin OPD ne’e mak agora daudaun sei tahu nakonu ami hamutuk ho cliner na’in haat sira hamoos to’o segunda ita uza filafali hodi hala’o servisu hanesan baibain,” tenik Responsavel.

Nia esplika komesa sabadu (14/03/2020), funsionáriu klínika nian hahú hamoos ona fatin OPD atu nune’e pesoál saúde sira bele uza fali iha loron segunda (16/03/2020).

Jornalista :Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here