Uma lubun naksobu tanba indundasaun Sesta (13/03/2020). Imajen/António Gonçalves

DILI, 15 marsu 2020 (TATOLI) – Governu liuhosi Sekretária Estadu Protesaun Sivíl (SEPS) fó ona apoiu emerjénsia ba família uma-kain 20 hosi Suku Santa Krús ne’ebé afetadu ba inundasaun, sesta lokraik (13/03/2020).

Notísia Relevante : Xefe Governu Hato’o Sentidu Kondolénsia no Solidaridade ba Vítima Dezastre Naturál

Apoia emerjénsia ne’ebé entrega diretamente hosi Sekretáriu Estadu Protesaun Sivíl (SEPS),  Alexandrino Xavier de Araújo, Sábadu (14/03/2020), kompostu hosi item hahán no la’ós hahán.

Dadus hosi SEPS hatudu katak, família uma-kain 700-resin
mak sofre inundasaun iha area Suku Santa Krús, Ponte Maufelo, Bekusi, Bidau, Metinaro no sira seluk tan.

“Ohin, ita nia ekipa kontinua distribui apoiu emerjénsia ba iha area Metinaro nian,”  informa Sekretáriu Estadu Alexandrino Xavier de Araújo.

Nia tatoli ba funsionáriu hotu SEPS nian atu kontinua servisu hodi distribui lalais apoiu emerjénsia ba vítima inundasaun sira, maske enfrenta difikuldade oioin iha terrenu.

Notísia Relevante : Hakarak Salva Tia Ida ho Nia Oan, Alegrio Bento Mota Lori no Mate

Iha akontesimentu ne’e, SEPS mós halo kedas evakuasaun ba família 38 ho total ema  na’in 195 ba iha Kapela Bidau ho Edifísiu SEPS  nian iha Caicoli.

SEPS orienta ba ekipa kontinua foti dadus família afetadu
no hamutuk ho liña ministeriál hanesan Ministériu Solidariedade Sosiál no Inkluzaun (MSSI), Ministériu Administrasaun Estatál (MAE), Ajénsia Internasionál, ONG nasionál no internasionál ho parseiru sira seluk-tan hala’o enkontru kooperasaun no koordenasaun hodi atende servisu apoiu emerjénsia nian.

Notísia Relevante : Ekipamentu Pezadu Rua Apoia Komunidade Hamoos Taho iha Estrada Bidau

Jornalista : Nelson de Sousa

Editór       : Francisco Simões

HAKEREK NO HATÁN

Please enter your comment!
Please enter your name here