Pintura ne´ebé eskollida di´ak liu iha kompetisaun internasionál "Arte ba dame no domin". Imajen: IWPG

DILI, 14 marsu 2020 (TATOLI)-Diretór Arte Moris, Iliwatu Damabere, hateten organizasaun arte ne’e mosu ho objetivu hakarak atu dezenvolve no tulun talentu joven sira ho kreatividade oioin iha área artezenatu no pintura.


”Arte moris hala’o Aniversáriu ba dala 17 ho misaun mak hakarak kolobora ho juventude sira ne’ebé mak iha talentu ka kreatividade,” informa Iliwatu Damabere ba jornalista iha ámbitu selebrasaun aniversáriu tinan 17 grupu ne’e nian iha Arte Moris, Comoro, sabadu (14/03/2020).

Nia dehan, eventu komemorasaun ne’e liliu atu promove arte no kreatividade husi joven Timoroan sira no fó esperansa ba sira atu bele hatudu sira-nia talentu liuhosi pintura oioin.

“Nune’e mós bele motiva joven sira seluk atu iha vontade hodi aprende liután,”katak Iliwatu.

Iha sabadu (14/03/202) arte moris mós halo lansamentu ba eventu ho naran Tiger Street Art ho objetivu atu promove kreatividade hosi artisita Timoroan ne’ebé tuir planu sei realiza iha fulan-maiu 2020.

“Tanba ne’e mak agora daudaun iha banda muzika hamutuk 22 no grupu sira seluk hamutuk 16 husi grupu Gembel Dili photographer Comunity tattoasen, bibi bulak no seluk tan,”nia haktuir.

Eventu ne’e kompleta ho atividade sira hanesan workshop, pintura, teatru, dansa kultura, exposizaun, tein hahan tradisionál no seluk tan.

Arte Moris selebra ninia aniversáriu ne’e hetan apoiu hosi event organizer tiger Beer, kompaña Timor Plaza, Família Clan Terti ho artista seluk tan.

Jornalista : Felicidade Ximenes
Editór      : Agapito dos Santos

HAKEREK NO HATÁN

Please enter your comment!
Please enter your name here