Imajen Espesiál

DILI, 14 marsu 2020 (TATOLI) — Sekretáriu Jerál FRETILIN, Marí Alkatiri, husu Governu atu halo esplikasaun públiku kona-ba preparasaun hasoru coronavirus ne’e tanba moras ne’e dezafiu foun ba Timor-Leste.

Tuir nia, ohin loron situasaun pániku tanba moras COVID-19 ne’ebé mosu iha Xina no hada’et ba rai bara-barak iha mundu no  bele tama mai Timor-Leste.

“Ita hotu agora hakfodak ba Coronavirus, loloos ita ejize ba governu tenke esplika didi’ak saida mak prepara ona atu garante protesaun no vasinasaun. Saida mak sidadaun ida tenke halo hodi proteje an iha nia família no ninia viziñu sira,” dehan Mari Alkatiri iha konferénsia Nasionál FRETILIN nian iha iha Salaun Parokiál Igreja Katedral, Vila Verde, sábadu ne’e

Nia afirma, povu tenke husu ba Governu atu ko’alia ba públiku hodi esplika duodésimu, orsamentu ne’e iha kbiit ka lae atu hasoru dezafiu foun ida-ne’e.

Notísia Relevante: FRETILIN Realiza Konferénsia Nasionál Hodi Hametin Aliansa ho Povu

Jornalista : Evaristo Soares Martins

Editór       : Cancio Ximenes

HAKEREK NO HATÁN

Please enter your comment!
Please enter your name here