Diretór Ezekutivu Servisu Autónomu Medikamentus Ekipamentus Saúde (SAMES), Santana Martins.Imajen/TATOLI:Felicidade Ximenes

DILI, 13 marsu 2020 (TATOLI)-Servisu Autónomu Medikamentus Ekipamentus Saúde, (SAMES), dadaun ne’e asegura hela ekipamentu ba prevensaun coronavirus  ne’ebé antes ne’e, apoiu ona hosi Organizasaun Mundiál Saúde (OMS).

Diretór Ezekutivu SAMES, Santana Martins, hateten ekipamentu hirak ne’e maka hanesan oksijéniu, luvás, máskra, ai-moruk, roupa protesaun no seluk tan, iha ne’ebé SAMES asegura hela iha armazenamentu SAMES iha Kampung-Alor Dili.

Notísia Relevante :OMS Apoiu Ekipamentu Prevensaun Coronavirus ba MS

”Agora daudaun iha SAMES ne’e hamutuk item  24 inklui ai-moruk no konsumuveis hanesan luvás, máskra, roupa protesaun no mós ita prepara mós oksijéniu tanba banhira moras mai posivelmente dada iis susar,”informa Santana Martins.

Nia hatutan, SAMES sei distribui ekipamentu hirak ne’e bainhira iha nesesidade urijente hosi ospitál, Sentru Saúde atu oinsá fó tratamentu saúde ba pasiente ho kazu coronavirus.

Notísia Relevante :OMS Sei Apoiu Makina Thermoscan Neen Ba MS

“Antes distribuisaun dahuluk ita mós halo treinamentu simples ba pesoál saúde sira ne’ebé iha SAMES. Sira mós tenke hatene bainhira lori produtu ne’e bá fasilidade saúde sira tenke hatene oinsá mak atu prevene aan,”tenik Diretór Ezekutivu SAMES.

Notísia Relevante :Xina Entrega Ekipamentu Prevensaun Coronavirus ba TL

Antes distribui ekipamentu hirak ne’e ba fasilidade saúde sira,  SAMES tenke asegura katak livre hosi infesaun virus ruma hodi nune’e bele halo prevensaun ba COVID-19.

”Orientasaun  husi ami-nia mak sasan sira ne’e iha SAMES tenke halo dis-infesaun no lori produtu ne’e ba fábrika oksijéniu sira, ami  fó orientasaun atu halo dis-infesaun ba silindru oksijéniu,” hatutan.

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here