Prezidente Repúblika, Francisco Guterres Lu Olo akompaña husi Primeiru-Ministru, Taur Matan Ruak kuda Ai-Parapa iha Tasi-Ibun Metinaru, Sexta (13/03/2020). Imajen/ Cipriano Colo

DILI, 13 marsu 2020 (TATOLI)–Prezidente Repúblika (PR), Francisco Guterres “Lú Olo”, kontinua Estuda Karta pedidu demisaun hosi Primeiru Ministru (PM), Taur Matan Ruak. 

“Ha’u sei estuda halo didiak tiha lai. Ne’e la’ós dehan katak, desizaun ida loron ida ka loron rua ninian,” dehan Xefe Estadu ba jornalista sira hafoin hamutuk ho komunidade Metinaro kuda ai-parapa oan iha área Tasi ibun Wenunuk, Postu Administrativu Metinaro, Munisípiu Dili, ohin.

Kona-ba data atu anunsia rezultadu estudu ba Karta demisaun ne’e, Prezidente Repúblika dehan, seidauk serteza tanba presiza tempu atu konklui.

“Ha’u seidauk fó tempu atu fó sai rezultadu. Tanba, ha’u seidauk estuda hotu,” Xefe estadu subliña.

Entretantu, PM Taur Matan Ruak haruka ona karta demisaun ba Prezidente Repúblika iha segunda 24 fevereiru 2020.

Antes ne’e, PM Taur Matan Ruak hateten, sei esplika ba povu kona-ba konteúdu husi karta demisaun ne’ebé hato’o ona ba Xefe Estadu.

Notísia Relevante: PM Taur Sei Esplika Ba Povu Razaun Pedidu Demisaun

Jornalista : Cipriano Colo

Editór      : Cancio Ximenes

HAKEREK NO HATÁN

Please enter your comment!
Please enter your name here