Bruno Magalhães ho suspeitu Timoroan ida tan ne'ebé detein iha POLDA Metro Jaya, Jakarta, tanba komete kazu prodús osan falsu. Imajen/Foti hosi google

DILI, 13 marsu 2020 (TATOLI) –Embaixadór Timor-Leste ba Repúblika Indonézia (RI), Alberto X.P. Carlos, hamutuk ho adidu seguransa Komisáriu Polísia, Julio da Costa Hornay, tersa (10/03/2020), hala’o vizita ba  POLDA (Polisi Daerah) Metro Jaya, Jakarta Sentrál, hodi hasoru malu ho Bruno Magalhães no Timoroan balun-tan ne’ebé detein hela iha sela polisia refere tanba deskonfia komete kazu krime  burla (prodús osan falsu) tuir kódigu penál Indonézia nian.

Notísia Relevante : Bruno Magalhães ho Nia Grupu iha Hela Sela POLDA Metro Jaya

Liuhosi deklarasaun ba imprensa (press statement) ne’ebé Embaixadór Alberto X.P. Carlos, hala’o ohin iha Embaixada Timor-Leste nian i

Embaixadór Timor-Leste ba Repúblika Indonézia, Alberto X.P. Carlos. Imajen/Francisco Simões

ha Jakarta,  relata katak, nia parte hamutuk ho Komisáriu Polísia  Julio da Costa Hornay, adidu seguransa Timor-Leste nian ba Indonézia, halo vizita ba POLDA Metro Jaya, Unidade Investigasaun Kriminál nian hodi buka hatene kle’an liu-tan kona-ba kazu ne’ebé akontese iha Jakarta envolve Timoroan balun.

“Entre suspeitu Timoroan sira ne’e, ami hasoru suspeitu Bruno Magalhães. Ami-nia intensaun hasoru malu ne’ebé fasilita hosi POLDA Metro Jaya ne’e atu fó  hatene ba suspeitu Timoroan sira katak, Embaixada Timor-Leste prontu extende apoiu legál no asisténsia konsulár,” haktuir Embaixadór Alberto X.P. Carlos, liuhosi gravasaun vídeo press statement ne’ebé Embaixadór rasik haruka mai Ajénsia Tatoli via WhatsApp.

Iha hasoru malu ne’e, Suspeitu Bruno Magalhães, hateten ba Embaixadór Alberto Carlos ho Komisáriu Polísia Julio Hornay, katak,  temporariamante nia la presiza apoiu legál no asisténsia konsulár nian.

Notísia Relevante : PCIC Halo Hela Investigasaun Hodi Identifika Autór Ne’ebé Fahe Video Osan Falsu iha Facebook

“Bruno Magalhães mós fó hatene katak, nia kondisaun di’ak no nia direitu ema la viola no nia agradese tebes ba POLRI (Polísia Repúblika Indonézia) ne’ebé trata sira iha sela ho di’ak,” haktuir Embaixadór Alberto Carlos.

Adidu Seguransa Timor-Leste ba Repúblika Indonézia, Komisáriu Polísia Júlio da Costa Hornay. Imajen/Egas Cristovão

Nia tenik, Bruno Magalhães mós hato’o ba Embaixada Timor-Leste ho Adidu Seguransa Timor-Leste ba Indonézia katak, buat ne’ebé nia (Bruno-red) halo ne’e lori nia naran rasik ho nia kompañia nia naran rasik.

Bruno Magalhães mós dehan ba Embaixadór katak, aktu ne’ebé nia halo  no komete la lori ema seluk nia naran. Sa-tan, lori naran lider Timor nian, hanesan Xanana Gusmão ho Mau-Nana.

“Tuir Bruno katak la iha ita nia lider ida mak haruka nia atu halo buat sira ne’e. Obrigadu,” hateten Embaixadór Alberto Carlos hodi haktuir Bruno Magalhães nia lia-fuan.

 Jornalista   : Nelson de Sousa

Editór           : Francisco Simões

HAKEREK NO HATÁN

Please enter your comment!
Please enter your name here