Sekretáriu Estadu Formasaun Profisionál no Empregu, Julião da Silva. Imajen Tatoli.

DILI, 13 marsu 2020 (TATOLI)Sekretáriu Estadu Formasaun Profesionál no Empregu, Julião da Silva, hateten kona-ba  kooperasaun Governu liuhosi Sekretaria Estadu Formasaun Profesionál no Empregu (SEFOPE) ne’ebé atu haruka traballadór timoroan sira atu ba servisu iha Japaun, akodu ne’e Governu prepara ona no atinje ona porsentu 80.

“Akordu haruka traballadór ba Japaun nian, ita hein de’it ona husi Governu Japaun tanba sira halo ona estudu ba ita no ita-nian nota akordu ba kestaun ne’e atinje ona porsentu 80. Tanba ne’e ita hein de’it sira nian nota akordu kona-ba kestaun ne’e no ita hein bainhira maka sira hakarak selebra ba asina akordu ne’e”, Informa ba Agência Tatoli hafoin ramata enkontru ho Ajénsia Gesellschaft für Internationale Zusammenarbeit (GIZ), sesta ne’e.

Nia haktuir, iha tinan-kotuk no iha fulan-fevereiru nia laran, ekipa rua husi Japaun mai ona hodi halo diskusaun ho ekipa tékniku SEFOPE kona-ba kestaun ne’e.

“Japaun sira sei elabora hela no sei marka loron. Ita espera tempu badak  selebrasaun akordu ne’e bele realiza”, nia katak.

Governante ne’e dehan, iha fulan-marsu nia laran akordu ne’e formaliza ona, nune’e hahú haruka traballadór timoroan ba servisu iha Japaun.

“Ha’u hakarak iha marsu ne’e di’ak liu bele asina ona akordu maibé agora ne’e depende ba governu Japaun”, nia akresenta.

Nia refere oituan, kona-ba akordu haruka  traballadór timoroan ba Canadá no Irlandia, Governu Timor-Leste sei halo aprosimasaun .

“Ita sei hein hela Ministru Negósiu Estrajeiru no Kooperasaun,  kuandu halo aprosimasaun di’ak entaun akordu ne’e bele realiza iha tempu badak’ nia dehan tan.

Jornalista: Natalino Costa

Editora: Julia Chatarina

HAKEREK NO HATÁN

Please enter your comment!
Please enter your name here