Diretór Ezekutivu Servisu Autónomu Medikamentus Ekipamentus Saúde (SAMES), Santana Martins.Imajen/TATOLI:Felicidade Ximenes

DILI, 12 marsu 2020 (TATOLI)-Diretór Ezekutivu Servisu Autónomu Medikamentus Ekipamentus Saúde (SAMES), Santana Martins, informa SAMES iha Estoke ai-moruk sufisiente hodi forñese ba Sentru Saúde, Ospitál Referal no Nasionál  iha Territóriu Timor-Leste.

Santana Martins hato’o asuntu ne’e hodi hatán ba preokupasaun hosi Klínika Vera Cruz Dili ne’ebé dadaun falta ai-moruk hanesan paracetamol.

Tanba ne’e,  nia husu ba Jestór sira atu hato’o proposta ba Servisu Saúde Munisipál no Saúde Munisípal kontinua relata ba Diresaun Nasionál Farmasia no Medikamentus hodi verifika no aprova proposta ne’e.

”Entaun ida ne’e hatudu ba ita katak prosesu sira ne’e presiza tempu no dalaruma pedidu sira ne’e ita bele atraza oituan liga ho paracetamol maibé atu informa katak estok sira ne’e sufisiente tanba ita simu kontentór lubuk ida mak mai SAMES,”dehan, Diretór Ezekutivu SAMES ba Jornalista sira iha ninia servisu fatin, Kampung-Alor Dili, kinta (12/03/2020).

Nia rekomenda ba Sentru Saúde no Ospitál sira atu hato’o pedidu urijente ba SAMES bainhira paracetamol stock out.

“SAMES hala’o nia kna’ar hanesan aprovizionamentu halo jestaun armazenamentu no mós halo jestaun  ba distribuisaun bainhira ita tama iha duodesimu ita infrenta problema ida kona-ba prosesu aprovizionamentu,”nia hatutan.

SAMES iha item ai-moruk hamutuk 373, maibé item 51 maka dadaun ne’e mamuk. Santana Martins akresenta sei esforsu hodi kompleta item ne’ebé mamuk hodi rezolve ona problema stock out iha Nasionál no Munisípiu.

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here