Labarik ho sira nia aktividades loro-loron.Imajen/Antonio Goncalves

DILI, 11 marsu 2020 (TATOLI)–Tuir dadus hosi Demográfiku Survey In Health (DSH) fó sai hosi Ajénsia Internasionál Programa Ai-han Mundiál (WFP-sigla) katak hosi totál populasaun Timor-Leste 1,167,242, pursentu 46 maka rasa badak tanba kauza hosi problema má-nutrisaun.

“Iha Timor-Leste,  Ajénsia Internasionál sira hamutuk ho Ministériu Saúde sempre halo survey no identifika metade husi populasaun rai ida-ne’e hasoru problema má-nutrisaun,” dehan Koordenadór Programa Edukasaun Saúde Nutrisaun WFP, Inácio dos Santos ba Agência TATOLI, iha Eskola Sekundária 4 Setembru UNAMETl, Balide, Dili, kuarta (11/03/2020).

Nia dehan hosi relatóriu ne’e maka indika Timor-Leste mós tama iha nasaun ho númeru aas ba risku nutrisaun iha Ázia Pasífiku.

Tanba ne’e, nia hatutan,  ho programa pilotu edukasaun saúde nutrisaun hosi WFP sei hasa’e koñesimentu estudante feto sira atu kuidadu sira-nia saúde, badinas konsome hahán ne’ebé iha nutrisaun hodi prevene kazu raan menus ka anemia.

Entretantu, Reprezentante Ministériu Sáude António da Costa informa, klínika Vera Cruz Dili sempre rejistu pasiente anemia liuliu ba inan isin-rua sira ho problema má-nutrisaun.

“Ita iha apoiu ai-han superseriál ba inan isin-rua no inan fó susu sira ema ida kilógrama neen no kada loron tenke konsome kilógrama 200 to’o fulan ida,” nia esplika.

Apoiu ai-han ne’e hodi asegura bebé saúde iha inan isin-rua nia  kabun atu labele sofre problema má-trisaun.

Jornalista : Tomé Amado 

Editór       : Agapito dos Santos

HAKEREK NO HATÁN

Please enter your comment!
Please enter your name here