Primeiru-Ministru (PM),Taur Matan Ruak

DILI, 12 marsu 2020 (TATOLI)–Primeiru Ministru (PM) Taur Matan Ruak husu ba Parlamentu Nasionál (PN) atu halo alterasaun ba Lei Orsamentu Jestaun Finanseira ne’ebé konsellu Ministru aprova ona, iha Kuarta 11 Marsu 2020.

“Ha’u mai aprezenta mós kona-ba Lei Orsamentu Jestaun Finanseira ne’ebé Konsellu Ministru aprova ona. Husu Parlamentu Nasionál atu halo alterasaun ba lei ne’e hodi fó kbiit ba Governu atu bele hetan osan hodi selu kompromisu iha rai-laran no mós rai-liur,” dehan PM Taur Matan Ruak ba jornalista sira hafoin hala’o enkontru semanál ho Prezidente Repúblika, Francisco Guterres “Lú Olo” iha Palásiu Prezidensiál Bairru-Pite, Dili, ohin.

Entretantu, Iha reuniaun ezekutiva sira ne’ebé realiza iha Kuarta ne’e, aprova ona proposta ne’ebé aprezenta husi Ministra Finansas interina, Sara Lobo Brites, kona ba alterasaun datolu ba lei númeru 13/2019, 21 outubru nian kona-ba Orsamentu no Jestaun Finanseira.

Iha biban ne’eba me’e, Sara Lobo hateten, alterasaun ne’e atu bele iha fleksibilidade no fó biban ba Governu hodi bele atende situasaun balun hanesan kontratu ne’ebé Governu halo ho parseiru sira no ninia montante tenke selu kada fulan.

Proposta alterasaun datoluk ne’e, sei haruka ba Parlamentu Nasionál hodi diskute no hetan aprovasaun atu haruka ba Prezidente Repúblika hodi promulga.

Jornalista : Cipriano Colo

Editór      : Cancio Ximenes

HAKEREK NO HATÁN

Please enter your comment!
Please enter your name here