Diretór Jerál Turizmu, José Filipe Dias Quintas. Imajen Tatoli/António Gonçalves

DILI, 11 marsu 2020 (TATOLI) – Diretór Jerál Ministériu Turizmu, José Filipe Dias Quintas, hateten ho kauza husi Coronavirus maka iha tinan-2020 Timor-Leste ladún hetan vizita husi estranjeiru sira.

“Ha’u bele halo estimasaun katak iha tinan-2020, númeru turista atu mai vizita Timor-Leste to’o agora la to’o 100.000 tanba kauza Coronavirus”, tenik Diretór Jerál ne’e iha Sentru Konvensaun Dili (CCD-sigla portugés), kuarta ne’e.

Durante ne’e sirkulasaun Coronavirus afeta tebes ba industria turizmu globalmente hodi halo Organizasaun Turizmu Mundiál preokupa tanba viirus ne’e afeta maka’as.

“Organizasaun Mundiál Turizmu husu ba nasaun hotu atu problema globál ne’e bele ultrapasa tanba daudaun ne’e industria turizmu globál infrenta problema la’ós iha Timór de’it.

Tanba ne’e, maka ami nia ministériu mós hatún ona desizaun atu kansela ró kruzeiru ne’ebé mai vizita Timor-Leste.

 Maibé organizaun mudiál  turismo husu ba nasaun hotu para isu ida ne’e bele ultrapassa tanba agora dadaun  indutria turismo global infrenta problema laos Timor de’it.

Tuir Dirijente ne’e kompara ho turizta ne’ebé mai Timor-Leste  tuir dadus imigrasaun ninian iha tinan-2016, 2017 to’o 2018  ho númeru ne’ebé sae.

“Dadus ne’ebé maka ami hetan husi imigrasaun nian, iha tinan-2018 rasik ita hetan vizita husi turizta estranjeiru hamutuk porsentu 13, ne’ebé korresponde ba 149.000 vizitante estrajeiru”, José salienta.

Nia adianta, relasiona ho dadus vizitante turizta estrajeiru mai Timor-Leste husi parte ministériu seidauk iha tanba sei hein dadus husi parte imigrasaun kuandu iha ona maka sei halo publikasaun ba públiku nune’e bele asesu.

Jornalista: Natalino Costa

Editora: Julia Chatarina

 

HAKEREK NO HATÁN

Please enter your comment!
Please enter your name here