Diretór Operasaun AIFAESA, Gabriel da Costa. Imajen TATOLI/Egas Cristovão

DILI, 10 marsu 2020 (TATOLI) – Diretór Operasaun Autoridade Inspesaun no Fiskalizasaun Atividade Ekonómika Sanitária no Alimentár, Institutu Públiku (AIFAESA,IP), Gabriel da Costa, informa durante tinan-haat nia-laran hahú husi 2017 to’o agora, parte AIFAESA kontribui ona osan hamutuk $366.100 ba kofre Estadu, liuhosi inspesaun atividade ekonomia bainhira operadór ekonómiku sira selu infrasaun.

“Reseita sira ne’e ami kobre mai husi koema ne’ebé maka empreza sira selu ba AIFAESA liga ba iha infrasaun ne’ebé sira rasik komete  hanesan lisensa mate, la tuir atividade, fa’an produtu liu prazu no mós halo atividade ekonomia ne’ebé la ho ijene, inklui produtu ne’ebé aat”, dehan Gabriel da Costa iha ninia knaar fatin, Matadoro, tersa ne’e.

Nia informa tan katak, iha tinan-2017 totál koema ne’ebé maka AIFAESA rekolla hamutuk $127.500 husi infrasaun 124, iha 2018 rekolla koema hamutuk $149.000 husi infrasaun 138, tinan-2019 totál koema ne’ebé operadór ekonómiku sira selu liga ho infrasaun hamutuk $82.300 husi infrasaun 82 no ikus liu iha 2020 totál koema hamutuk $7.300 husi infrasaun 8, nune’e korresponde totál koema to’o agora hamutuk $366.100 husi totál infrasaun 351.

Diretór Operasaun ne’e subliña, AIFAESA rejista mós kestaun auto-notísia kontra asaun  iha tinan-2017 hamutuk 503, iha 2018 hamutuk 280, nune’e mós  iha 2019 rejista hamutuk 456  no iha tinan 2020 hamutuk 19, nune’e totál auto-notísia kontra asaun ne’ebé AIFAESA halo hasoru empreza sira durante iha tinan-haat ne’e hamutuk 1.283.

Nune’e, nia esplika liután, AIFAESA liuhosi departementu jurídiku mós haruka ona kazu infrasaun sira ne’ebé komete husi empreza sira ba Ministeriu Públiku hamutuk iha tinan-2017 iha  kazu infrasaun, ne’ebé komete husi empreza sira no parte AIFAESA haruka ona ba Ministériu Públiku hamutuk 29 kazu, iha 2018 rasik iha  24  kazu, iha 2019 hamutuk iha 102 kazu no  iha tinan -2020  laiha kazu husi infrasaun ne’ebé maka AIFASA prosesa ba Ministériu Públiku.

Iha tinan-haat nia-laran, AIFAESA konsege prosesa kazu infasaun ne’ebé komete husi operadór ekonómiku sira hamutuk 155.

Enkuantu kazu infrasaun sira husi Ministériu Públiku ba Tribunál tuir Gabriel katak, husi  tinan-2017 no 2018 laiha, tinan-2019 maka iha 14  kazu no totál  husi kazu  ne’ebé prosesa ona iha Tribunál hamutuk 14.

Jornalista: Natalino Costa

Editora: Julia Chatarina

HAKEREK NO HATÁN

Please enter your comment!
Please enter your name here