Vise-Prezidente BNCTL, António Florindo Abrantes. Imajen Tatoli/Jogerjo Guterres

DILI, 10 marsu 2020 (TATOLI)­–Banku Nasionál Komérsiu Timor-Leste (BNCTL-sigla portugés) sei atribui kartaun Automated Teller Machine (ATM) P24 faze dahuluk iha fulan-marsu ne’e nia rohan.

Vise-Prezidente BNCTL, António Florindo Abrantes, informa kartaun sira-ne’e, empreza hatama ona hosi rai-li’ur no daudaun iha ona Dili.

Notísia Relevante: BNCTL Seidauk Implementa Sistema P24 Tanba sei Prodús Kartaun

BNCTL Integra Ona ho P24

“Prosesu ba kartaun P24 ne’e, empreza ne’ebé ami kontrata atu prodús kartaun ne’e iha tiha ona Timór. Tanba ne’e, iha fulan ne’e nia rohan ami sei foti hodi atribui bá ami-nia kliente sira”, dehan António Florindo ba Agência Tatoli iha ninia knaar fatin, Timor-Plaza, tersa ne’e.

Dirijente Banku Nasionál ne’e refere kona-ba kartaun ba faze dahuluk sei prodús 15.000, maibé antes atu atribui BNCTL sei fó uluk informasaun ba kliente oinsá utiliza kartaun refere.

BNCTL ofisialmente entegra ona ba sistema P24 iha novembru 2019, maibé seidauk implementa sistema ne’e porsentu 100 tanba seidauk prodús kartaun P24.

Jornalista: Antónia Gusmão

Editora: Julia Chatarina   

HAKEREK NO HATÁN

Please enter your comment!
Please enter your name here