Prezidente Federasaun Natasaun Timor-Leste, Laurentino Guterres. Imajen TATOLI/ Cipriano Colo

DILI, 10 marsu 2020 (TATOLI)-Prezidente Federasaun Natasaun Timor-Leste (FNTL), Laurentino Guterres, informa ninia parte sei haruka atleta na’in rua hosi modalidade natasaun hodi partisia jogu Olympic Games ne’ebé sei realiza iha Tokyo, iha fulan-jullu 2020.

“Atleta hirak ne’ebé sei partisipa Olimpyc Games, preparasaun hahú kedan iha 2019, sira partisipa ona World Championship iha Hangzhou-China iha dezembru 2018, World Championships iha Gwangju-Korea Súl nudar parte Jogus Qualifikasaun ba Jogu Olimpico 2020 iha Tokyo, entaun ita so atleta nain rua mak bele ba,” katak Prezidente FNTL ba TATOLI, via Mídia Sosiál, segunda (09/03).

Atleta na’in rua ne’e kompostu hosi feto ida no mane ida. Nia dehan FNTL servisu hamutuk ho Komite Olimpiku Nasionál Timor-Leste (CONTL-sigla portugés)hodi haruka atleta na’in rua ne’e ba partisipa iha Pre Games Training Camp iha Sidade Ina Japaun durante fulan ida ka rua mai antes  Olympic Games 2020 hahú.

Iha parte seluk, FNTL mós hetan konvite hodi partisipa eventu Kampeonatu ASEAN Age Group iha Kuala Lumpur Malázia iha fulan-juñu 2020.

“Fiar katak ho eventu internasionál sira ne’e bele kapasita di’ak liután ita-nia atleta sira nia kapasidade,” espera Prezidente FNTL.

Jornalista : Hortencio Sanchez

Editór       : Agapito dos Santos

HAKEREK NO HATÁN

Please enter your comment!
Please enter your name here