Ministra Finansa ein ezersísiu, Sara Lobo Brites. Imajen Tatoli Tatoli/Egas Cristovão

DILI, 09 marsu 2020 (TATOLI) – Ministra Finansa ein ezersísiu, Sara Lobo Brites, iha segunda ne’e hala’o sorumutu ho Primeiru-Ministru (PM), Taur Matan Ruak, hodi hato’o servisu Ministériu Finansa (MF) nian hodi simu orientasaun balun husi Xefe Governu.

Iha biban ne’e, PM Taur orienta ona MF atu prepara ona proposta ida ba Parlamentu Nasionál (PN), hodi halo levantamentu orsamentu husi Fundu Petrolíferu bainhira saldo iha tezouru menus.

“Ohin iha enkontru, Primeiru-Ministru sujere Ministériu Finansa atu prepara ona proposta ba Parlamentu hodi halo levantamentu bainhira saldo tezouru menus, ne’e orientasaun”, hateten Sara Lobo iha Salaun Ministériu Finansa, Aitarak-laran, segunda ne’e.

Antes ne’e, atuál Vise-Ministra Finansa informa, Dotasaun Orsamentu Temporáriu (DOT) ba fulan-abríl, Governu sei husu autorizasaun ba Parlamentu tanba daudaun ne’e saldo kuaze la to’o ona.

Maski nune’e, Sara Lobo esklarese liután, dadaun ne’e iha saldo ba fulan-marsu sei naton hela hamutuk millaun $215, maibé foti tiha millaun $116.

Entretantu Governu liuhosi reuniaun Konsellu Ministru (KM) aprova DOT ba marsu hamutuk $116.449,057, fahe ba karegoria saláriu no vensimentu $17.852,067, sasan no servisu $38,614,980, transferénsia públika $26.591,048, kapital dezenvolvimentu $33.390,953.

DOT ba janeiru 2020 ho valór millaun $116.4, ne’ebé fahe ba kategoria saláriu no vensimentu hamutuk millaun $17,8, bens no servisu millaun $38,6, transferénsia públika millaun $26,6 no kapitál dezenvolvimentu millaun $33,4 no kapitál menór suspende tanba relativa ho prosesu aprovizionamentu.

Nune’e, DOT ba fevereiru 2020 ho montante $116.449.057.

Montante totál despeza fahe ba kategoria haat hanesan saláriu no vensimentu $17.852,067, bens no serbisu $38.614,980, transferénsia públika $26.591,048, no kapitál dezenvolvimentu $33.390.953, nune’e ninian totál $116.449,057.

Jornalista: Antónia Gusmão

Editora: Julia Chatarina

HAKEREK NO HATÁN

Please enter your comment!
Please enter your name here