Prokurafor Jeral da Republika, Jose Ximenes.Imajen/ António Gonçalves

DILI, 09 marsu 2020 (TATOLI)–Prokuradór Jerál Repúblika (PJR), José da Costa Ximenes informa, Ministériu Públiku liuhosi Prokuradoria Jerál Repúblika alerta nafatin ba Governu Timor-Leste atu Kontinua tau atensaun no kontrola arividade Grupu Arte Marsiál ne’ebé hamosu beibeik konflitu iha sosiedade nia leet. 

“Ami haree mós kona-ba atividade grupu arte marsiál sira. Ne’e ita tenke kontrola didi’ak Sekretáriu Estadu Juventude no Desportu (SEJD) tenke kontrola didi’ak tanba konflitu barak ne’ebé mosu iha sosiedade nia leet. La’ós ema hotu iha ne’eba ne’e mesak aat de’it maibé iha barak mak ataka malu ne’e mai husi ne’eba,” Prokuradór Jerál Repúblika (PJR), José da Costa Ximenes, hato’o kestaun ne’e ba Prezidente Repúblika, Francisco Guterres “Lú Olo”, durante iha enkontru mensal iha Palásiu Prezidensiál Bairru-Pité, ohin.

Tanba ne’e, nia hatutan, Ministériu Públiku husu atu tau ministériu relevante sira ne’e atu tau atensaun katak maske GAM reativa ona maibé tenke kontrola didi’ak, nune’e labele hamosu sasán sira ne’e iha komunidade nia leet.

Entretantu, Governu liuhosi reuniaun Konsellu Ministru (KM) iha 18 fevereiru 2020 aprova ona Proposta Rezolusaun Governu ne’ebé aprezenta hosi Primeiru-Ministru (PM), Taur Matan Ruak, ba revogasaun Rezolusaun Governu númeru 16/2013 10 jullu, ne’ebé bandu Grupu Arte Marsiál (GAM) hala’o atividade.

Hafoin aprovasaun, Ministru Reforma Lejizlativa no Asuntu Parlamentár, Fidelis Manuel Leite Magalhães informa, diploma legál ne’e rasik instroi Polísia Nasionál Timor-Leste (PNTL) atu intensifika asaun.

Jornalista : Cipriano Colo

Editór      : Cancio Ximenes

HAKEREK NO HATÁN

Please enter your comment!
Please enter your name here