Prokuradór Jerál Repúblika, José Ximenes. Imajen/ António Gonçalves

DILI, 09 marsu 2020 (TATOLI)–Prokuradór Jerál Repúblika (PJR), José da Costa Ximenes hateten, atu kombate matéria bázika droga iha Timor-Leste, presiza atualiza bebeik Lei kona-ba Droga nian kada tinan. 

“Ami hare kona-ba leí droga ninian. Ita-nia kontentór sia hetan ona desizaun husi Tribunál Rekursu no tribunál absolve arguidu sira maibé kontentór sia ne’e hela “a favor” ba estadu atu destrui. Ami haré iha ne’eba katak, iha matéria báziku sira ne’e tanba ita nia leí kona-ba droga ladun atualiza didi’ak,” dehan Prokuradór Jerál Repúblika (PJR), José da Costa Ximenes José Ximenes, ba jornalista sira hafoin hala’o enkontru mensál ho PR iha Palásiu Prezidensiál, Bairru-Pite, Dili, ohin.

Kona-ba asuntu ne’e, nia fó ezemplu, iha nasaun seluk hanesan Indonézia, Portugál no seluk tan, sira-nia leí kona-ba droga ne’e liga ho matéria bázika ne’ebé kada tinan ne’e sempre atualiza.

“Ha’u hanoin katak, ida ne’e tenke halo duni. Se lae, matéria bázika ne’e halo duni, sira sei la lori droga mai iha ne’e. Maibé sira mai kahur de’it iha ne’e no sai droga, ikus mai bele estraga ita-nia future,” nia dehan.

Nia hateten, Ministériu Públiku rasik propoin atu reforsa de’it mak mekanizmu kontrola no alerta mós ba Parlamentu Nasionál ho esperiénsia husi situasaun sira ne’e, husu sira nia kontrolu.

“Bele halo took inspesaun tanba saida mak Mákina X-ray iha Batugade ne’e aat hela de’it. Tanba ne’e ita aviza ba ministériu relevente atu fó informasaun, karik pelumenus sira fó hatene ida ne’e iha ka lae. Oinsa kontrolu kona-ba jogus no selu tasa ne’e halo nusa,” nia sujere.

Tanba, nia dehan, Ministériu Públiku mós hare sasán sira ne’e bazeia ba informasaun sira ne’ebé tama no PJR rasik labele dehan A, B, ka C tanba ida ne’e segredu justisa ninian.

Oinsá kona-ba Prezidente Republika ninia resposta liuliu ba krime organizadu sira, nia hatán, konta mós ho PR ninia apoiu atu importante mak ministériu públiku hala’o nia papél ho independente no ho didi’ak.

Entretantu, iha lei númeru 2/2017 de 25 Agostu, fó biban hodi aprova ona lei kona-ba kombate tráfiku no konsumu ilísitu ba droga.

Jornalista : Cipriano Colo

Editór      : Cancio Ximenes

HAKEREK NO HATÁN

Please enter your comment!
Please enter your name here