Imajen Espesiál

DILI, 08 marsu 2020 (TATOLI)–Partidu Kmanek Haburas Unidade Nasionál Timor Oan (KHUNTO), deklara ofisialmente sei Partisipa iha eleisaun Jerál Presidensiál 2022 ho sira-nia kandidatu Rasik ne’ebé indika hosi partidu refere.

Deklarasaun ofisiál ne’e fó sai husi Sekretáriu Presidénsia da meza Kongressu Nasionál daruak KHUNTO nian, Augusto de Jesús Alves, ne’ebé konsidera mós hanesan pontu importante ida  ne’ebé deside demokratikamente bazeia ba desizaun Kongresu Nasionál daruak iha Centro Convenções Dili (CCD), ohin.

“Bazeia ba estatutu Partidu Kmanek Haburas Unidade timoroan (KHUNTO), hodi realiza Kongressu Nasionál iha loron 6-8 fulan marsu, iha Centro Convenções Dili (CCD), ho delegadu sira hamutuk 836, deside hodi aprova katak KHUNTO sei partisipa eleisaun Presidensiál 2022 ho kandidatu rasik,” Augusto de Jesús Alves, lee sai konteudu rezolusaun n’ebé aprova iha Kongressu Nasionál daruak.

Maske la temi naran se mak sei sai kandidatu úniku husi Partidu KHUNTO, maibé Augusto hateten, Kongressu Nasionál ne’e deside kandidatu Partidu KHUNTO ba Prezidente Repúblika RDTL períudu 2022-2027 liuhosi unanimidade.

Entretantu, Partidu KHUNTO eziste iha Timor Leste, bazeia ba lei númeru 2/2016, 3 de Fevereiru, primeiru alterasaun ba lei númeru 3/2004, 14 de Abril kona-ba partidu politku sira no rejistu partidu KHUNTO iha Tribunál Rekursu ho data ne’ebé hasai iha loron 20 fulan Juñu 2011.

Notísia Relevante: Armanda Berta Re-eleita Lidera KHUNTO ba Períudu 2020-2024

Jornalista : Cipriano Colo

Editór      : Cancio Ximenes

HAKEREK NO HATÁN

Please enter your comment!
Please enter your name here