Fuma sigaru bele mós hamosu kankru ran. imajen/google.

DILI, 09 marsu 2020 (TATOLI)-Dirijente hosi Eskola Ensinu Sekundariu Públiku Jerál Cristal, dadaun ne’e foti ona sansaun indisiplinar ba estudante feto na’in rua hosi sétimu anu, siénsia teknolojia tanba fuma sigaru hodi públika imajen iha facebook foinlalais.

Sansaun disiplinar ne’e maka obrigatóriu kada loron estudante na’in rua ne’e tenke halo limpeza no kuda aifunan iha areadór eskola to’o aifunan moris.

“Sansaun ida ne’e ita fó ba estudante feto na’in rua ne’e tanba konsidera sira-na’in rua kontra ona regras eskola nian ne’ebé hatur iha artigu IV aliñea V ne’ebé bandu estudante no profesores labele fuma iha areadores eskola,” dehan Diretór Eskola, Rafael Xavio ba TATOLI, iha ninia servisu fatin Cristal Balide, segunda (9/03/2020).

Nia informa iha loron 04 fulan-marsu liubá hosi parte eskola mós bolu ona inan-aman hosi estudante na’in rua hodi halo akordu ida katak atetude ne’e sei la repete tan iha futuru.

“Ita fó servisu ba estudante na’in rua ne’e halo limpeza no kuda aifunan depois sira-nia familia tenke apoiu raihenek karada rua ba eskola hodi halo jardim eskola nian,”tenik Diretór Eskola.

Tuir Diretór ne’e katak maske fó hela sansaun indisiplinar ba infradór na’in rua ne’e maibé sira kontinua partisipa iha prosesu aprendijazen loron-loron hanesan mós estudante sira seluk.

Jornalista : Tomé Amado

Editór        : Agapito dos Santos

HAKEREK NO HATÁN

Please enter your comment!
Please enter your name here