DILI, 06 marsu 2020 (TATOLI)-Organizasaun PLAN Internasionál, iha sesta (06/03/2020) lansa ona ninia planu estratejia ba tinan lima hahú 2019 to’o 2024 ne’ebé foku liuba igualdade jéneru ba labarik feto no foinsa’e feto sira iha Timor-Leste.

”Ami lansa ami-nia planu estratéjia tinan-lima iha programa dahuluk ne’e ami foku liu ba igualidade jeneru ba labarik feto no foinsa’e feto sira, no servisu hamutuk ho mane no labarik mane sira,” informa Diretora Plan Internasionál iha Timor Leste Dilyana Daten Ximenes ba jornalista sira hafoin lansa planu estratejia ne’e iha Otél Timor.

Programa da-ruak nian maka oinsá atu hadia nutrisaun hodi kombate problema mánutrisaun, asesu bee moos no saneamentu, hasa’e koñesementu inan-aman oinsá atu tulun oan sira hodi evita hosi problema isin-rua sedu. Programa da-toluk maka konsentra ba prevensaun risku dezastre no mudansa klimátika.

”Relatóriu ba asesmentu ba labarik feto iha timor, primeiru lugar liga ba partisipasaun feto iha parlamentu nian ita iha porsentu boot liu iha Ázia representativa feto iha parlamentu tanba ne’e mak ami louva tebes ba situasaun ida ne’e,”tenik Dilyana.

Tanba ne’e PLAN kontinua servisu hamutuk ho parseiru sira no Governu Timor-Leste atu fó nafatin edukasaun sívika kona-ba saúde reprodutiva ba labarik feto sira hodi evita hosi isin-rua sedu.

Iha fatin hanesan Espoza Prezidente Republika, Cidália Nobre Lopez Mouzinho Guterres, hateten plan internasionál eziste ona iha Timor-Leste durante tinan 21 ho ninia programa oioin hanesan edukasaun saúde no formasaun ba labarik feto atu sai lideransa di’ak no seluk tan.

Ho programa PLAN Internasionál ne’e, Cidália fiar katak sei tulun dezenvolve labarik feto sira ninia kapasidade atu hetan futuru ida di’ak liu ba futuru.

”Tanba ne’e mak ohin loron PLAN internasionál servisu iha Munisípiu tolu mak hanesan Dili, Aileu no Ainaru para kontinua fo tulun ba joven sira no labarik Timoroan sira ba iha igualidade hanesan ba prosesu dezenvolvimentu nasionál liohusi aprende, lidera, deside no moris ba futuru,” tenik tan.
Jornalista : Felicidade Ximenes

Editór   : Agapito dos Santos

HAKEREK NO HATÁN

Please enter your comment!
Please enter your name here