Imajen Espesiál

DILI, 07 marsu 2020 (TATOLI)—Partidu Congresso Nacional de Reconstrução de Timor (CNRT), husu ba autoridade reguladór ba eleisaun nian tenke fó-sai deklarasaun ho imparsiál no kuidadu hodi bele eduka povu Timor-Leste tuir regra ne’ebé vigora iha Timor-Leste.

“Ita hanesan autoridade reguladór ba eleisaun nian atu fó-sai deklarasaun ba públiku ne’e ho imparsiál, ho kuidadu tanba ita aproveita situasaun atu mós eduka ita-nia povu ba regra no nórma sira ne’ebé ke vigora iha ita-nia rain,” Sekretáriu Meza Konferénsia Extraordinária atuál Prezidente Komisaun Jurizdisaun Partidu CNRT, Adérito Hugo da Costa, informa liuhosi konferénsia imprensa iha sede Partidu CNRT, Bairro dos Grilhos, ohin.

Adérito Hugo husu ba autoridade reguladór atu halo serbisu ba eleitorál nian ho didi’ak no halo deklarasaun ruma karik haree ba estatutu partidu sira-nian no koligasaun sira-nian.

“Lalika ko’alia arbiru tanba akordu ida-ne’e ba fin eleitorál mak ba Tribunál Rekursu. Akordu sira ne’ebé partidu sira halo iha situasaun hanesan formasaun Governu la presiza to’o iha-ne’ebá,” nia dehan.

Tuir nia, situasaun atuál oras ne’e partidu sira-ne’ebé asentu Parlamentár halo movimentu polítiku hodi viabiliza Governu.

Prezidente Komisaun Jurizdisaun Partidu CNRT, Adérito Hugo da Costa, ko’alia kestaun ne’e hodi fó resposta autoridade reguladór eleisaun nian [Prezidente CNE] ne’ebé fó-sai katak normalmente iha lei númeru 9/2016 kona-ba eleisaun Parlamentár dehan katak bainhira PR estabelese ona data eleisaun fó ona biban ba partidu polítiku sira.

“Segundu lei númeru 2/2016 kona-na ba partidu polítiku sira iha númeru 9 pontu 3 koligasaun efetua dala ida de’it, labele halo dala-rua ka dala tolu, entaun tenke halo konferénsia ka kongresu hodi ignora AMP anterior,” nia dehan hodi hasara tuir autoridade reguladór eleisaun nia liafuan.

Notísia Relevante: Rezolusaun Únika Reafirma Pozisaun ba Rezultadu Enkontru ho Lider Nasionál

Jornalista : Evaristo Soares Martins

Editór       : Cancio Ximenes

HAKEREK NO HATÁN

Please enter your comment!
Please enter your name here