Vise-Ministra ba Kuidadu Saúde Primáriu, Élia António de Araújo dos Reis Amaral. Imajen/Egas Cristovão

DILI,05 marsu 2020 (TATOLI)-Vise Ministra Saúde Primaria, Elia dos Reis Amaral hateten to’o oras ne’e Timor-Leste seidauk iha pasiente ne’ebé maka sofre coronavirus tanba ne’e husu ba públiku labele pániku ho informasaun ne’ebé espalla iha mídia sosiál.

Husi jornalista sira mós pasa nafatin informasaun ne’ebé mak ho faktus no loloos ba públiku atu nune’e públiku sira tau nafatin konfiansa ba iha Ministériu Saúde,”informa Vise Ministra Kuidadu Saúde Primaria Elia dos Reis Amaral hafoin halo enkontru ho ekipa task force ba prevensaun coronavirus iha Palasiu Sinzas Caicoli, (05/03/2020).

Notísia Relevante :Prevene Coronavirus iha Timor-Leste Papél Mídia Importante ba Divulgasaun Informasaun

Ministra ne’e hatutan, meius prevensaun ida maka tenke uza masker bainhira la’o iha fatin públiku hodi evita infesaun coronavirus.

Ministériu Saúde ho liña ministeriál seluk desimina ona informasaun ba públiku kona-ba meius prevensaun hahú iha fulan-janeiru liubá.

Notísia Relevante :MS ho OMS Seidauk Identifika Pasiente Coronavirus iha TL

“Ami mós servisu hamutuk ho Sekretáriu Estadu Komunikasaun Sosiál atu bele pasa informasaun ne’ebé mak adekuadu  para nune’e komunidade sira labele pániku ba boatus sira ne’ebé mak iha mídia sosiál hodi halo id falsu habosok malu depois minimiza ema seluk nia funsaun,”tenik tan.

Elia husu ekipa konjunta atu servisu makaas no servisu ho di’ak bainhira identifika kazu coronavirus hodi atende lais no efisiente.

Notísia Relevante :OMS Apoiu Ekipamentu Prevensaun Coronavirus ba MS

Jornalista : Felicidade Ximenes

Editór       : Agapito dos Santos

1 KOMENTÁRIU

  1. Bnte sr/sra.
    Relasiona ho kazu virus corona nbe espailla iha media sosial hanesan facebook katak virus ne iha ona Timor Leste. Maibe iha sorin seluk ministeriu saude deklara katak informasaun ne falsu. Ho ida ne hau Husu favor ba Ministeriu Saude atu servisu ho loloos no onestu. Atu fo sai informasaun loos no onestu ba povu tomak. Virus corona iha ka laiha? Keta halo ba virus ne iha duni ona maibe ekipamentus ne menus atu detekta, ou karik ekipamentus iha hodi detekta virus ne ona entaun tenke fo sai ba publiku atu povu tomak atensaun ba ida ne’e. Ka keta ministerio saude detekta ona virus ne’e maibe taka ba publiku hatene.
    Hau husu atu labele subar informasaun nebe loos. Obrigdo.

HAKEREK NO HATÁN

Please enter your comment!
Please enter your name here