Espoza Prezidente Repúblika, Cidália Nobre Mouzinho Guterres. Imajen Mídia PR

DILI, 06 marsu 2020 (TATOLI)-Espoza Prezidente Repúblika, Cidália Nobre Lopez Mouzinho Guterres, kongratula feto Timor-Leste tanba sei selebra loron internasionál ba feto ne’ebé monu iha loron 08 fulan-marsu 2020 ho tema maka ida-idak hanesan.

Gabinete Espoza PR hamutuk ho PLAN Internasionál sei komemora loron internasionál ba feto ne’e iha loron 13 fulan-marsu 2020 iha Dili, tanba loron 08 marsu monu iha domingo.

Notísia Relevante :Governu Timor-Leste komemora loron Internasionál Feto

“Iha loron selebrasaun ne’e ita hotu konsidera katak ita sei selebra ho susesu ne’ebé mak feto iha mundu tomak hala’o ona iha área sosiál, ekonomia, kultura, no polítika,” afirma Cidália ba jornalista sira hafoin partisipa serimonia lansamentu planu estratéjiku PLAN Internasional tinan lima iha Otél Timor sesta (06/03/2020).

Atu proteje feto sira-nia diretu hodi partisipa iha prosesu dezenvolvimentu la’os kna’ar feto nian de’it maibé persiza kontribuisaun hosi entidade hotu-hotu.

Notísia Relevante :TL Komemora Loron Internasionál ba Labarik Feto

“Selebra loron internasionál ba feto signifika loron ne’e la’os grupu ka organizasaun ida nian deit maibé loron ne’e ba ema hotu nian.Nune’e servisu hodi halo mudansa ba moris diak ba feto no labarik tanba ne’e esforsu husi mundiál nian,”Espoza PR hatutan.

Notísia Relevante :Governu Lansa “Inisiativa Spotlight” Atu Hakotu Violénsia Hasoru Feto

“Mai ita hotu luta nafatin ba iha igualidade labarik feto ninian no mós joven feto tenkie moris ho livre maibé livre husi abuzu oioin ne’ebé mak iha atu nune’e sira tenke esplora sira-nia koñesimentu kapasidade ba futuru ne’ebé mak diak,”nia apela.

Jornalista : Felicidade Xiemenes

Editór       : Agapito dos Santos

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here