Sekretáriu Estadu Terras no Propriedade, Mário Ximenes. Imajen/Egas Cristovão

DILI, 05 marsu 2020 (TATOLI) – Iha tinan 2019, Sekretária Estadu Terras no Propriedade (SETP) kontribui ona reseita milaun $4-resin ba kofre Estadu hosi arrendamentu rai iha territóriu Timor-Leste.

Sekretáriu Estadu Terras no Propriedade (SETP), Mário Ximenes informa, daudaun ne’e hamutuk sidadaun rihun 4-resin mak rejistu ba uzu proprietáriu Estadu hanesan patrimóniu movies no imovéis hanesan edifísiu no rai hodi hala’o negósiu ne’ebé selu arrendamentu kada fulan ba Estadu.

Sekretáriu Estadu Mário Ximenes, ohin, ba Ajénsia Tatoli iha nia kna’ar fatin, Dili, esklarese, kona-ba presu sei selu tuir klasifikasaun no poténsia rai hodi hela ou halo negósiu sei la hanesan hosi indivíduu, kompañia no asosiasaun sira.

Sekretáriu Estadu Mário Ximenes dehan, SETP kontinua esforsu hodi sensibiliza informasaun ba komunidade okupante sira ne’ebé seidauk rejistu atu bele rejistu, nune’e bele kontribui selu arrendamentu ba Estadu.

Jornalista : Nelson de Sousa

Editór       : Francisco Simões

 

HAKEREK NO HATÁN

Please enter your comment!
Please enter your name here