Eis Prezidente Parlamentu Nasionál, Arão Noé de Jesus da Costa Amaral. Imajen Tatoli/António Gonçalves

DILI, 05 marsu 2020 (TATOLI)—Prezidente Parlamentu Nasionál (PPN), Arão Noé de Jesus da Costa Amaral, espera katak koligasaun foun ne’ebé sei hasoru Prezidente Repúblika, Francisco Guterres “Lú Olo”, aban ne’e bele solusiona inserteza polítika ida-ne’e.

“Ita hotu-hotu hein para atu-bele iha solusaun, para nune’e labele iha inserteza polítika ida-ne’e naruk, tanba nia impaktu boot tebes ba estabilidade no ekonomia rai-laran. Ne’ebé, ha’u hein katak ho enkontru ida aban ne’e, bele iha solusaun ba situasaun polítika rai-laran,” dehan Arão Noé ba Ajénsia TATOLI liuhosi entrevista iha resintu Parlamentu Nasionál, ohin.

Nia hatutan, enkontru entre koligasaun foun ho Prezidente Repúblika iha aban ne’e importante, atu nune’e bele kontinua fali dezenvolvimentu ne’e ba-oin.

“Ha’u fiar Maun Boot Xanana sei ba. Tanba iha akordu koligasaun ne’e, partidu neen (6) mak halo konkordánsia asina. Se ida la la marka prezensa ne’e, la kompletu. Tanba ne’e, ha’u fiar katak Prezidente Partidu neen (6) ne’ebé asina akordu koligasaun ne’e, sei marka prezensa hotu iha eventu ida ne’e,” nia informa.

Notísia Relevante: Semana Ne’e, Xanana Sei Lidera Koligasaun Foun Hasoru PR Lú Olo

Jornalista : Evaristo Soares Martins

Editór      :  Cancio Ximenes

HAKEREK NO HATÁN

Please enter your comment!
Please enter your name here