DILI, 05 Marsu 2020 (TATOLI)-Peritu Mídia Sosiál Facebook, Bob Howard, hateten facebook hanesan meius komunikasaun ida ne’ebé fasilita  ema ida ho seluk atu komunika  ho lais no fasil liu.

Bob Howard hato’o opiniaun ne’e bainhira fó formasaun ba Jornalista sira hosi Mídia Nasionál iha Timor-Leste kona-ba meius uza pájina facebook hodi asesu informasaun, kuarta (04/03/2020) iha Otél Ramelau Dili.

Nia dehan ezemplu ida maka kazu inséndiu ahi han rai iha Austrália foin lalais ema barak maka asesu no fahe tutan informasaun ne’e iha facebook.

Notísia Relevante :KI ho UNDP Oferese Formasaun ba Jornalista

“Ahi han rai iha Austrália akontese iha fulan hirak liubá ita hotu hatene katak ahi han rai kuaze animál barak mak mate no mós ahi han uma rihun ba rihun mak mutuk kuaze rai iha Austrália  entaun husi ida ne’e ita hatene facebook ne’e hanesan fó informasaun ba malu hodi ita bele asesu,’’katak Bob.

Tanba ne’e Peritu Bob Howard sujere atu Mídia Nasionál no Radiu Komunidade sira persiza kria pajina facebook ida hodi fahe informasaun ba malu maibé probiu atu uza sala hodi hamosu fact news no insulta malu.

“Mídia sira iha Timor-Leste ne’e iha website entaun bele kria pájina facebook entaun ema ne’ebé mak asesu ba ita-nia pájina ne’e banhira klik de’it sei lori nia ba ita-nia website bele buka hatene informasaun oioin iha laran,”tenik Bob.

Jornalista : Felicidade Ximenes

Editór        : Agapito dos Santos

HAKEREK NO HATÁN

Please enter your comment!
Please enter your name here