Diretora Jerál Asuntu ASEAN, Milena Rangel.Imajen: Nelia Fernandes

DILI, 05 marsu 2020 (TATOLI)-Embaixadóra Austrália ba ASEAN, Jane Duke, kinta ohin partilla sira-nia esperiénsia ba Timor-Leste liuhosi Ministériu Negósiu Estranjeiru no Kooperasun (MNEK) kona-ba kooperasaun nasaun vizinu ho organizasaun Sudeste Aziátiku ka ASEAN.

Diretóra Jerál MNEK ba Asuntu ASEAN, Milena Rangel informa, objetivu hosi prezensa Embaixadóra Austrália ba ASEAN ho objetivu hodi partilla informasaun sobre ASEAN hodi tulun TL ninia preprasaun atu adere ba organizasaun Sudeste Aziátiku ne’e iha futuru.

Notísia Relevante :Adezaun TL ba ASEAN, MNEK Kontinua Esforsu

“Austrália ho ASEAN hanesan parseru dialogu tanba Austrália iha kooperasaun oioin ho ASEAN iha atividade barak, iha mós planu asaun barak entaun sira mai partilla sira-nia esperiénsia oinsá servisu hamutuk ho organizasaun rejionál ne’e tanba Timor-Leste agora iha hela prosesu atu adere ba ASEAN,” dehan Milena ba Jornalista iha edifísiu MNEK, Praia dos Coqeiros Dili.

Notísia Relevante :MNEK Ho Liña Ministeriál  Ko´alia Elementu Krítiku Adezaun Bazeia Ba Pilár “Blue Print” ASEAN

Timor-Leste sente previleju ho prenzensa Jane Duke tanba ho ninia informasaun sira sei tulun nasaun ne’e atu prepara aan diak liután hodi adere ba ASEAN.

Notísia Relevante :Vizita “Fact-Finding Mission” ASEAN Mai Timor-Leste Foin Primeravés

“Oportunidade sira hanesan ne’e ba ita hanesan privileju bo’ot, esperiénsia ne’ebé sira lori mai atu koa’lia ho ita-nia grupu traballu sira entre liña ministeriál, MNEK koordena mais involve ho ministériu hirak ne’ebé hola parte hotu atu hakat ba prosesu adezaun ne’e,”tenik tan.

Jornalista: Hortencio Sanchez

Editór     : Agapito dos Santos

HAKEREK NO HATÁN

Please enter your comment!
Please enter your name here