Sekretáriu Jerál Partidu Frente Revolucionária de Timor-Leste Independente (FRETILIN), Marí Alkatiri. Imajen Tatoli/António Gonçalves

DILI, 03 marsu 2020 (TATOLI)—Sekretáriu Jerál FRETILIN, Marí Alkatiri, husu ba veteranu sira ne’ebé sei moris banati tuir eroi sira ne’ebé mate ba pátria ida ne’e.

Nia dehan, loron ne’e veteranu nian, la’ós de’it veteranu sei moris ne’e maibé hanesan loron rekoñesimentu ba ema sira ne’ebé fó an ba mate ba rai-lulik Timor-Leste ne’e.

“Ema fó sakrifísiu tomak tanba atu serbí povu. Tanba ne’e, ami ne’ebé sei moris, ha’u-nia mensajen ka lia-menon ba sira ne’ebé moris ne’e, atu kontinua banati tuir sira uluk ne’e,” Sekretáriu Jerál FRETILIN, Marí Alkatiri informa ba jornalista sira hafoin partisipa iha Selebrasaun Loron Nasionál Veteranu iha Praça de Proclamação da Independéncia, Palásiu Governu, Dili, tersa ne’e.

Eis Primeiru-Ministru ne’e afirma, uluk dehan atu liberta pátria depois liberta povu, la’ós liberta pátria depois liberta “ita-nia an”.

Tanba ne’e, Alkatiri husu ba Governu Timor-Leste tenke tau-matan ba veteranu sira ne’ebé oras ne’e seidauk moris di’ak.

Notísia Relevante: Xefe Estadu Fó Rekoñesimentu Espesiál Ba Xanana, Horta no Alkatiri

Jornalista : Evaristo Soares Martins

Editór       : Cancio Ximenes

HAKEREK NO HATÁN

Please enter your comment!
Please enter your name here