Imajen Espesiál

“Ami husu imi hodi kbiit iha Kristu nia naran, hadame malu ho Maromak ba” (2 Cor 5, 20)

Maun-alin no inan-feton doben sira!

Na’i hadame malu ho ita, nune’e mos iha tinan ida ne’e, tempu propísiu ida ba ita atu prepara aan hodi selebra, husi fuan ne’ebé hafoun, Mistériu boot mate no moris hias Jesús nian, be nu’udar sentru moris Kristã pesoal no komunitária nian. Ho hanoin no fuan, ita mós bele fila kontinuamente ba Mistériu ida ne’e.

Com efeitu, mistériu ne’e moris buras nafatin iha ita, na medida em que ita mós husik ita-aan envolve iha nia tuir ninia dinamizmu espiritual no hametin-aan nafatin ba nia ho resposta ida ne’ebé livre no jenerosa.

Mistériu Paskal, Fundamentu husi Konversaun

Ksolok kristaun nian naksulin husi rona no resesaun ba Liafoun Di’ak husi mate no resurreisaun Jezús nian: kerygma. Husi kompendia Mistériu domin nian ida ne’e «real duni, loloos duni, konkretu tebe-tebes, ne’ebé proporsiona ba ita-nia relasaun ida ne’ebé nakonu ho diálogu sinseru no kle’an» (Francisco, Exort. ap. Christus vivit , 117).

Sé mak fiar iha anúnsiu ida ne’e rejeita bosok husi ita ninia moris ne’ebé hahú kedas husi ita-aan rasik, bainhira iha realidade moris mai husi domin Aman Maromak nian, husi ninia vontade atu fó moris ne’ebé naresin (cf. Jo 10, 10).

Oin seluk, karik, see tilun ba lian husi «aman bosok nian» (Jo 8, 44), halai iha risku hodi presipita iha nakukun absurdu nian, esperimenta daudaun infernu, hahú kedas ona iha rai ne’e, infelizmente hanesan fó sasin barak liu ba akontesimentu dramátiku ua’in hosi esperiénsia humana pesoal no koletiva.

Tanba ne’e, iha Kuarezma tinan 2020 nian ne’e, ha’u hakarak halore ba ema fiar na’in tomak saida mak ha’u hakerek ona ba foinsa’e sira iha Exortação apostólica Christus vivit: «Fixa ho liman nakloke ba Kristu Krusifikadu, husik nia mak salva nafatin.

No, bainhira ita hakbesik-aan ba Nia hodi hakribit salan sira, firmemente fiar iha ninia laran luak hodi liberta ó husi salan tomak. Kontempla ninia raan ne’ebé naksulin husi domin boot ne’ebé nia iha ba ó no nia husik nia-aan ba ó hodi Nia mak purifika.

Nune’e, ó sei bele moris foun nafatin» (n. 123). Páskua Jezús nian la’os hanesan akontesimentu ida hosi buat ne’ebé liu tiha ona: husi kbiit Espíritu Santu mak nafatin atuál no habiban ita atu kontempla no kaer ba nia ho fiar ba isin Kristu nian iha ema hirak ne’ebé terus.

Urjénsia hosi Konversaun

Hanesan buat di’ak hosi kontemplasaun ida ne’ebé kle’an husi Mistériu Paskal, iha virtude ida husi saida mak Konsede (fó) tiha ona mai Ita Maromak nia laran luak. Com efeitu, esperiénsia husi miserikórdia posível de’it husi «oin ba oin» ho Na’i ne’ebé krusifikadu no moris hias, «ne’ebé hadomi tiha ona ha’u no saran Nia moris tanba ha’u» (Gl 2, 20).

Diálogu fuan ba fuan, husi belun ba belun. Tanba ne’e ne’e duni, importante duni atu harohan iha tempu Kuarezmal. Antes sai dever ida, ne’e espresa nesesidade hodi korresponde ba domin Maromak nian, ne’ebé nafatin presede ita no sustenta.

De faktu, ema fiar na’in sira reza ho didi’ak husi ninia indignidade hodi hetan hadomi. Orasaun sei bele assume formas mesak la hanesan, maibé saida mak verdadeiramente sura iha Maromak ninia matan mak ida ne’ebé naklosu husi ita ninia laran, to’o ba harahun ita ninia fuan ne’ebé toos, atu nia bele hakribit salan di’ak liután no halo tuir Nia hakarak.

Tanba ne’e, iha tempu favorável ida ne’e, husik ita-aan atu Nia mak lori hanesan Israel ba rai fuik maran (cf. Os 2, 16), finalmente atu ita mós bele rona lian husi ita ninia Laen, husik atu nia mak lian iha ita ho profundidade nebé boot no disponibilidade tomak. Kuantu mais husik ita-aan atu envolve iha ninia Liafuan, tantu mais ita konsege esperimenta ninia miserikórdia gratuita ba ita.

Tanba ne’e, labele husik leet de’it tempu grasa nian ne’e, iha presunsoza ilusaun hodi ita mós sai na’in husi tempu tomak no lala’ok tomak husi ita ninia konversaun ba Nia.

Vontade Domin Maromak Nian iha Diálogu ho Ninia Oan Sira
Faktu ida husi Na’i hodi proporsiona iha ita, dala ida tan ho tempu favorável ida ba ita ninia konversaun, ita mós labele fó ba nia hanesan garantia ida. Oportunidade foun ida ne’e bele suscita iha ita sentidu husi gratidaun nian no hadook ami husi ami ninia kleur.

Biar hanesan ne’e la’os ho prezensa sala nian, por vezes to’o ba buat ne’ebé dramática, tantu iha ita ninia ezisténsia hanesan iha Igreja nia moris no mundu, períodu ida ne’e oferese ba ita atu iha mudansa ida hodi manifesta vontade ne’ebé metin husi Maromak atu nune’e la interrompe diálogo husi salvasaun hamutuk ho ita.

Iha Jezús Krusifikadu, ne’ebé Maromak «halo nia ne’ebé la hatene sala atu sai sala» (2 Cor 5, 21), vontade ida ne’e to’o duni ona ba pontu ida hodi hamonu iha nia Oan mane mesak ninia leten, ita tomak ninia salan sira, hanesan nia mak iha sala–Tuir Papa Bento XVI–ida «fila fali ba Maromak kontra Nia-aan rasik» (Enc. Deus caritas est, 12). De faktu, Maromak mós hadomi nia funu balun sira (cf. Mt 5, 43-48).

Diálogu ne’ebé Maromak hakarak estabelese ho ema ida-idak, liuhusi Mistériu Paskal ninia Oan Mane Mesak nian, la’os hanesan diálogu ida ne’ebé atribui ba abitantes husi Atenas, ne’ebé «lahalo buat ida, maibé sira halimar de’it hodi toman atu haktuir ou rona buat foun ruma» (At 17, 21).

Tipu husi konversa ida ne’e, hato’o husi kuriozidade ida ne’ebé mamuk no superfisial, karateriza ba modernidade husi tempu tomak, ohin loron, bele inisia mós iha uzu pervertidu ida husi meiu komunikasaun nian.

Riku Soin Ida Ne’ebé Sei Bele Partilha no La’os Akumula De’it Ba Nia-Aan

Hatuur Mistériu Paskal iha sentru husi moris signifika sente kompaisaun ba Kristu krusifikadu ninia kanek sira ne’ebé prezente iha vítima inosente hosi funu sira ne’ebé ua’in ba ua’in, husi prepoténsia tomak kontra moris dezde foin moris mai to’o katuas-ferik ona, forma husi violénsia nian ne’ebé oin-oin, hosi dezastres ambientais tomak, husi iníqua distribuisaun ba bens husi rai ne’e nian, husi tráfiku ema-nian iha ninia forma tomak no sai dezenfreada hosi lukru, ne’ebé hanesan tiha forma hosi idolatria ida.

Nune’e mós ohin loron sai importante hodi bolu mane no feto sira ne’ebé ho vontade ba fahe husi sira buat di’ak hotu ho sira ne’ebé presiza liu liuhosi ezmola, hanesan forma husi partisipasaun pessoál iha edifikasaun mundu ida ne’ebé justu liu.

Partilla, iha karidade, sai duni ema ida umanu liután; ho akumalasaun, halai iha risku brutal nian ne’ebé taka metin iha ninia hanoin ba-aan rasik. Ita mós bele no hakarak liu ba dook liután, konsidera daudaun dimensaun estruturais tomak husi ekonomia.

Hosi motivu ida ne’e, iha Kuarezma de 2020–Konkretamente liután, hosi loron 26 to’o loron 28 fulan marsu–,konvoka ona ba Assis ho foin sai tomak ekonomista nian, empreendedores no transformativus, ho objetivu mak atu kontribui ba delinea ekonomia ida ne’ebé justa no inklusiva husi saida mak la’o daudaun.

Hanesan dala barak ona mak refere ona iha majistériu Igreja nian, polítika mak forma eminente ida husi karidade (cf. Pio XI, Discurso à FUCI, 18/XII/1927). No, se igualmente nia husi ekonomia espíritu evangéliku ne’ebé hanesan, ne’ebé mak espíritu husi Bem a venturansas.

Ha’u reza ho intersesaun Maria Santíssima nian kona-ba Kuarezma oin mai, atu halibur iha ita apelu nebé husik hela mai ita atu hadame malu ho Maromak, ita fixa mos atu haree ho fuan ba iha Mistério paskal no ita mós konverte iha diálogu abertu ida no sinseru ho Maromak. Nune’e, ita mós bele sai iha ita-aan saida mak Kristu dehan ona ba ninia discípulos: masin rai nian no naroman mundu nian (cf. Mt 5, 13.14).

Roma, iha São João de Latrão, 7 de outubru de 2019, Memória de Nossa Senhora do Rosário.

PAPA FRANCISCO

HAKEREK NO HATÁN

Please enter your comment!
Please enter your name here