Hahán lokál. Foto/Timor-Leste Offical Tourism Website.

DILI, 02 marsu 2020 (TATOLI)–Eskola Bázika Filiál (EBF), Aituri-Laran Dili daudaun ne’e implementa ona menu foun programa merenda eskolár ba estudante sira hodi la te’in ona manu-ko’a (ayam potong) no supermie.

Koordenadór EBF Aituri-Laran, Vidal B. dos Santos ba Agência TATOLI katak oras ne’e ninia parte la te’in ona hahán importasaun hanesan manu-ko’a no supermie maibé te’in menu foin hanesan manutolun, bifi no kalderada ba estudante hamutuk 907 durante loron lima iha semana ida nia laran.

Notísia Relevante :Subsídiu Merenda Eskolár Kada Estudante Sei Aumenta Ba Sentavu 50  

Kada semana, eskola tenke gastu osan hamutuk $ 226, 75 hodi sosa foos, modo no na’an ba estudante 907.

”Programa Ministériu Edukasaun ne’e ami implementa ona kada semana dala lima de’it. Ami-nia modo mak bifi, manutolun no kalderada,” dehan Koordenadór EBF iha Aituri-Laran, Dili, segunda ne’e.

Notísia Relevante :DNASE Sei Fornese Foos-Rai Saka 8.000 Apoiu Programa Merenda Eskolár

Kada loron eskola ne’e gasta $226,75 multiplika ba loron lima hamutuk gastu $1,000-resin.

“Tuir loloos gastu la to’o osan ne’e maibé tanba foos ita mak sosa hotu entaun tenke hetan kustu ida hanesan ne’e. tanba loron ida ita tenke te’in foos karón tolu ba estudante 907,” nia esplika liután.

Notísia Relevante :Batar Kayrala Sei Inklui Iha Merenda Eskolár

EBF Aituri-Laran kada loron tenke forñese hahán dala tolu ba estudante 907, parte dadeer tuku 9:00 otl, meudía 13:00 otl, no lorokoraik 15:00 otl tanba prosesu aprendizajen ba parte dadeer, meudia no lorokraik.

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here