DILI, 02 marsu 2020 (TATOLI)–Adjuntu Reprezentante Organizasaun Nasaun Unida ne’ebé Tau-matan ba Labarik (UNICE-sigla Inglés) iha Timor–Leste, Denis Mouhoza, hateten Governu Timor-Leste ho parseiru sira presiza atu dezenvolve di’ak liután iha área bee-moos tanba importante ba ema-nia moris.
“Asuntu ne’ebé importante tebes iha Timor-Leste ida mak asesu ba bee-moos. Ida-ne’e importante loos atu dezenvolve ho di’ak tanba importante ba ema hotu, bainhira ita rezolve ona bee-moos ba ema mak ita foin haree fali nia kuantidade tenke natón para ema hotu bele asesu,” dehan Reprezentante UNICEF ne’e ba jornalista sira iha Salaun Delta-Nova, Comoro, Dili, segunda ohin.
Notísia Relevante : Munisípiu Haat Seidauk Asesu Bee Moos Ho Di’ak
Nia tenik, sidadaun idak-idak tenke asesu bee-moos ho kuantidade sufisiente iha Timor-Leste tanba ne’e obrigasaun ba entidade hotu hodi tau prioridade ba setór bee-moos.
“Atu rezolve bee-moos fásil. Presiza mak parte hotu hanesan Governu no instituisaun relevante sira hotu oinsá mak ita bele garante katak populasaun sira hotu bele asesu ba bee-mos ho kualidade ida-ne’ebé di’ak iha nasaun ne’e,” nia dehan.
Notísia Relevante : HAK Organiza Diskusaun ba Alvu Dezenvolvimentu Bee Moos ho Saneamentu
Tuir dadus sensu uma-kain 2015, populasaun Timor-Leste porsentu 74 maka asesu ona bee-moos no restu seidauk. No hosi porsentu 74 ne’e porsentu hitu maka asesu ona bee-moos ho kualidade iha territóriu.
Nia mós relata rezultadu enkontru entre UNICEF ho Organizasaun Mundiál Saúde (OMS) foin lalais diskute ona problema bee-moos iha Timor-Leste.
Notísia Relevante :2030, Konsumidór Bee Moos Atinje Porsentu 100
“Enkontru ne’ebé ami halao pozitivu tebes. Bá-oin parte rua sei serbisu maka’as hodi haree ba programa ne’ebé trasa ona iha enkontru ne’e,” nia esplika.
Jornalista: Hortencio Sanchez
Editór : Agapito dos Santos
