Vise-Prezidente CCI-TL ne’ebé trata Asuntu Infraestrutura, João Fernandes Alves. Imajen Tatoli/Egas Cristovão

DILI, 02 Marsu 2020 (TATOLI) – Vise-Prezidente Kámara Komérsiu no Industria Timor-Leste (CCI-TL,sigla portugés) ne’ebé trata Asuntu Infraestrutura, João Fernandes Alves, hateten durante ne’e parte CCI-TL halo hela esforsu hodi komunika ho banku sira, hodi bele fó kréditu ba membru sira maibé to’o oras ne’e seidauk iha konkordánsia tanba parte bankária konsidera iha risku boot bainhira laiha garantia.

“Ami ko’alia ho banku foin daudaun no sira dehan, banku seidauk bele fó kréditu mai ita tanba iha risksu boot bainhira laiha garantia ba ita atu halo kréditu”, nia tenik ba Agência TATOLI iha Edifísiu Akait, segunda ne’e.

João Fernandes dehan, durante ne’e garantia kréditu hanesan estatutu rai seidauk klaru.

“Ita ba halo kréditu ne’e ho risku boot no laiha garantia, maibé kuandu estatutu rai no buat seluk sira ne’e la’o ho di’ak maka ita bele asesu ba kréditu tanba banku fiar ona maski ho jurus kiik. Entaun automatikamente ho setór privadu bele servisu halo buat balun iha área produtivu, atu nune’e bele redús importasaun”, nia akresenta.

Nia realsa, bainhira estatutu rai iha Timor-Leste seidauk loos sei fó risku ba emprezáriu sira bainhira atu halo kréditu.

“La’ós seidauk nesesáriu banku atu fó kreditu ba setór privadu, tanba banku bele fó kreditu iha momentu saida de’it maibé regulamentu ne’ebé maka banku fiar ne’e maka sira sei hamutuk ho Governu halo estudu atubele haree iha área potensiál ne’ebé maka setór privadu atu investe”, José subliña.

Jornalista: Natalino Costa

Editora: Julia Chatarina

HAKEREK NO HATÁN

Please enter your comment!
Please enter your name here