Nasaun sira membru ba ARF. imajen espesiál

DILI, 28 fevereiru 2020 (TATOLI)-Senior Oficial Meeting Timor-Leste, Jorge Camoês relata semináriu Internasionál Asian Regional Forum (ARF-sigla inglés) ne’ebé hala’o ona iha Dili durante  loron 27 to’o 28 fulan-fevereiru 2020 la’o ho susesu.

Semináriu ne’e organiza hosi nasaun tolu, kompostu hosi Austrália, Malázia no Timor-Leste.

Notísia Relevante :Esperiénsia TL ho Austrália Sai Tópiku Diskusaun iha Semináriu ARF

“Enkontru loron rua ne’e la’o di’ak tebes entre nasaun sira hotu membru ARF nian partilla informasaun ba malu hodi haree oinsá rejolve konflitu sira ne’ebé iha liliu kona-ba tasi nian oinsá mak bele solusiona,” Jorge Camoês, ba TATOLI, iha edifísiu Ministériu Finansa Aitarak-Laran Dili sesta ne’e.

Notísia Relevante :Nasaun 27 Partisipa Reuniaun ARF iha Dili

Durante sorumutu ne’e Timor-Leste ho Austrália partilla esperénsia kona-ba prosesu negosiasaun hodi rezolve disputa tasi liuhosi konsoliasaun obrigatóriu.

“Partisipante sira hotu kontente tanba sira konsege hetan elementu balun ne’ebé bele kontribui ba iha prosesu oinsá  mak bele solusiona disputa sira iha fatin seluk. Mekanizmu atu uza ne’e barak lá halimar tékniku liu ha’u temi jerál, maibé kada nasaun bele hili ida ne’ebé di’ak liu hodi bele solusiona fronteira tasi,”tenik Jorge.

Notísia Relevante :Xanana Agradese Nasaun Partisipante ARF

Senior Oficial Meeting Timor-Leste ne’e fiár katak nasaun partisipante sira sei uza esperénsia  Timor-Leste ho Austrália nian hodi rezolve sira-nia disputa ba fronteira tasi ho nasaun seluk iha mundu.

Notísia Relevante :Eventu ARF Diskute Kestaun Seguransa No Defeza Nível Multilaterál

Nasaun membru ARF 27 maka partisipa Austrália, Banglades, Brunei Darusalam, Cambodia, Cánada, Xina, Repúblika Korea, Uniaun Europeia,  Índia, Indonézia, Japaun, Laos, Malázia, Mongolia, Nova Zelándia, Paquistão, Papua Nova Guiñe, Filipina, Rúsia, Singapura, Korea Súl, Srilanka, Thailandia, Estadu Unidu Amérika, Vietname no Timot-Leste.

Jornalista : Hortencio Sanchez

Editór       : Agapito dos Santos

HAKEREK NO HATÁN

Please enter your comment!
Please enter your name here